ᱵᱚᱦᱚᱲᱫᱟ ᱵᱷᱚᱸᱡᱽ
ᱢᱟᱹᱼ ᱑᱖/᱐᱔/᱒᱐᱑᱙
ᱢᱚᱭᱩᱨᱵᱷᱚᱸᱡᱽ ᱡᱤᱞᱞᱟ ᱵᱚᱦᱚᱲᱫᱟ ᱵᱟᱡᱟᱨ ᱯᱚᱸᱰᱤᱛ ᱨᱟᱹᱜᱷᱩᱱᱟᱛ ᱢᱩᱨᱢᱩ ᱪᱷᱚᱠᱚ ᱥᱩᱨ ᱨᱩᱫᱨᱟᱠᱷᱥ ᱦᱚᱴᱮᱞ ᱨᱮ ᱵᱚᱦᱚᱲᱫᱟ ᱵᱞᱚᱠ ᱡᱮᱹᱮᱢᱹᱮᱢ ᱠᱟᱹᱢᱤᱭᱟᱹ ᱠᱚ ᱛᱟᱞᱟ ᱨᱮ ᱫᱟᱨᱟᱠᱟᱱ ᱵᱟᱪᱷᱱᱟᱣ ᱱᱟᱹᱯᱤᱛ ᱢᱤᱫ ᱞᱟᱹᱠᱛᱤᱭᱟᱱᱟᱜ ᱢᱤᱫᱩᱱ ᱫᱩᱯᱩᱲᱩᱵ ᱠᱟᱹᱢᱤᱦᱚᱨᱟ ᱡᱮ.ᱮᱢ.ᱮᱢ. ᱵᱚᱦᱚᱲᱫᱟ ᱵᱞᱚᱠ ᱯᱟᱦᱟᱴᱟ ᱥᱮᱫ ᱠᱚ ᱥᱟᱯᱽᱲᱟᱣ ᱥᱟᱹᱜᱩᱱ ᱞᱮᱜᱼᱟ ᱾
ᱱᱚᱣᱟ ᱫᱩᱯᱩᱲᱩᱵ ᱢᱤᱫᱩᱱ ᱛᱟᱞᱟᱨᱮ ᱢᱚᱭᱩᱨᱵᱷᱚᱸᱡᱽ ᱞᱚᱠᱥᱚᱵᱷᱟ ᱡᱮᱹᱮᱢᱹᱮᱢ ᱯᱨᱟᱨᱛᱷᱤ ᱢᱟᱱᱚᱛᱟᱱ ᱚᱝᱡᱚᱲᱤ ᱥᱚᱨᱮᱱ ᱥᱟᱸᱣ ᱨᱟᱭᱨᱚᱝᱯᱩᱨ ᱱᱤᱨᱵᱟᱪᱚᱱ ᱢᱚᱱᱰᱚᱲᱤ ᱵᱤᱫᱷᱟᱭᱚᱠ ᱯᱨᱟᱨᱛᱷᱤ ᱢᱟᱱᱚᱛᱟᱱ ᱨᱟᱢᱪᱚᱱᱫᱨᱚ ᱢᱩᱨᱢᱩ ᱥᱟᱸᱣ ᱡᱷᱟᱨᱠᱷᱚᱱᱰ ᱢᱩᱠᱛᱤ ᱢᱚᱨᱪᱟ ᱨᱤᱱ ᱟᱭᱢᱟ ᱜᱟᱹᱠᱷᱩᱲᱟᱱ ᱜᱚᱢᱠᱮ ᱠᱚ ᱥᱟᱸᱣ ᱟᱭᱢᱟ ᱵᱚᱦᱚᱲᱫᱟ ᱵᱞᱚᱠ ᱡᱮᱹᱮᱢᱹᱮᱢ ᱡᱩᱣᱟᱹᱱ ᱠᱟᱹᱢᱤᱭᱟᱹ ᱥᱮᱞᱮᱫ ᱠᱚ ᱛᱟᱸᱦᱮᱸᱭᱟ ᱾ ᱥᱟᱱᱟᱢ ᱞᱮᱠᱟᱱᱟᱜ ᱨᱮ ᱟᱵᱚ ᱩᱛᱱᱟᱹᱣ ᱞᱟᱹᱜᱤᱱᱛᱮ ᱠᱷᱟᱱ ᱨᱟᱡᱽᱟᱹᱨᱤ ᱫᱟᱲᱮ ᱟᱯᱱᱟᱨ ᱛᱮ ᱦᱩᱭ ᱟᱵᱚᱱᱟ ᱢᱮᱱᱛᱮ ᱵᱤᱫᱷᱟᱭᱚᱠ ᱯᱨᱟᱨᱛᱷᱤ ᱨᱟᱢᱪᱚᱱᱫᱨᱚ ᱢᱩᱨᱢᱩ ᱜᱚᱢᱠᱮ ᱫᱚ ᱢᱤᱫᱩᱱ ᱨᱮᱭᱟᱜ ᱵᱤᱪᱟᱹᱨ ᱛᱟᱞᱟ ᱛᱮ ᱥᱟᱱᱟᱢ ᱠᱚ ᱛᱟᱞᱟ ᱨᱮ ᱠᱟᱛᱷᱟ ᱠᱤᱱ ᱫᱚᱦᱚ ᱞᱮᱜᱼᱟ ᱾
ᱫᱟᱨᱟᱠᱟᱱ ᱢᱚᱭᱩᱨᱵᱷᱚᱸᱡᱽ ᱥᱟᱸᱥᱚᱫ ᱟᱨ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱞᱟᱹᱜᱤᱱᱛᱮ ᱡᱷᱟᱨᱠᱷᱚᱱᱰ ᱢᱩᱠᱛᱤ ᱢᱚᱨᱪᱟ ᱫᱚ ᱟᱡ ᱨᱤᱱ ᱟᱹᱜᱩᱣᱟᱱᱫᱟᱨ ᱱᱮᱛᱟ ᱫᱚ ᱥᱟᱢᱟᱝ ᱟᱠᱟᱱ ᱵᱟᱪᱷᱱᱟᱣ ᱨᱮᱭᱟᱜ ᱛᱩᱯᱩᱫ ᱴᱟᱸᱰᱤ ᱛᱮ ᱟᱹᱜᱩᱣᱟᱱ ᱫᱟᱨ ᱱᱮᱛᱟ ᱫᱚᱭ ᱟᱬᱜᱚ ᱟᱠᱟᱫ ᱠᱤᱱᱟ ᱾ ᱵᱟᱰᱟᱭ ᱟᱠᱟᱱᱟ ᱵᱟᱝ ᱢᱟ, ᱢᱚᱭᱩᱨᱵᱷᱚᱸᱡᱽ ᱞᱚᱠᱥᱚᱵᱷᱟ ᱯᱨᱟᱨᱛᱷᱤ ᱞᱮᱠᱟᱛᱮ ᱢᱟᱱᱚᱛᱟᱱᱤ ᱚᱱᱡᱚᱱᱤ ᱥᱚᱨᱮᱱ, ᱟᱨ ᱨᱟᱭᱨᱚᱝᱯᱩᱨ ᱵᱤᱫᱷᱟᱱᱥᱚᱵᱷᱟ ᱱᱤᱨᱵᱟᱪᱚᱱ ᱢᱚᱱᱰᱚᱲᱤ ᱵᱤᱫᱷᱟᱭᱚᱠ ᱯᱨᱟᱨᱛᱷᱤ ᱞᱮᱠᱟᱛᱮ ᱢᱟᱱᱚᱛᱟᱱ ᱨᱟᱢᱪᱚᱱᱫᱨᱚ ᱢᱩᱨᱢᱩ ᱜᱚᱢᱠᱮ ᱛᱮᱠᱤᱱ ᱫᱟᱨᱟᱠᱟᱱ ᱵᱟᱪᱷᱱᱟᱣ ᱴᱟᱸᱰᱤ ᱛᱮᱠᱤᱱ ᱟᱬᱜᱚ ᱟᱠᱟᱱᱟ ᱾ ᱫᱟᱨᱟᱠᱟᱱ ᱵᱟᱪᱷᱱᱟᱣ ᱨᱮ BJD-BJP ᱟᱨ Congress ᱠᱚᱣᱟᱜ ᱵᱟᱪᱷᱱᱟᱣ ᱦᱤᱥᱟᱹᱵ ᱠᱤᱛᱟᱹᱵ JMM ᱯᱷᱮᱞ ᱟᱭ ᱢᱮᱱᱛᱮ ᱥᱟᱱᱟᱢ ᱢᱚᱦᱚᱞ ᱠᱷᱚᱱ ᱪᱚᱨᱪᱟᱜ ᱠᱟᱱᱟ ᱾
ᱵᱚᱦᱚᱲᱫᱟ ᱠᱷᱚᱱ ᱵᱟᱹᱨᱤᱭᱟᱹᱲ ᱦᱮᱢᱵᱨᱚᱢ ᱛᱤᱱᱟᱹᱜ ᱨᱤᱯᱚᱨᱴ ᱼ ᱥᱟᱨᱱᱟ ᱢᱮᱰᱤᱭᱟ
No comments:
Post a Comment