ᱠᱷᱩᱱᱴᱟ, ᱢᱚᱭᱩᱨᱵᱷᱚᱸᱡᱽ
ᱢᱟᱹᱼ ᱐᱒/᱐᱔/᱒᱐᱑᱙(ᱥᱟᱹᱨᱫᱤ ᱢᱟᱦᱟ)
ᱚᱰᱤᱥᱟ ᱯᱚᱱᱚᱛ ᱠᱷᱩᱱᱴᱟ ᱵᱞᱚᱠ ᱨᱮᱭᱟᱜ ᱢᱤᱫ ᱦᱚᱲᱫᱤ ᱯᱟᱲ ᱯᱨᱟᱛᱷᱢᱤᱠ ᱟᱥᱲᱟ ᱨᱮ ᱧᱮᱞ ᱧᱟᱢ ᱟᱠᱟᱱᱟ ᱦᱟᱦᱟᱲᱟ ᱟᱱᱟᱜ ᱜᱷᱚᱴᱚᱱ ᱾ ᱦᱚᱲᱫᱤ ᱯᱟᱲ ᱟᱥᱱᱟ ᱨᱮᱱᱤᱡ ᱢᱟᱨᱟᱝ ᱢᱟᱪᱮᱛ ᱚᱨᱩᱬ ᱠᱩᱢᱟᱨ ᱯᱟᱛᱨᱚ ᱫᱚ ᱟᱡᱽ ᱨᱤᱱ ᱪᱮᱛᱮᱫᱤᱭᱟᱹ ᱵᱟᱨᱮᱭᱟ ᱠᱤᱱ ᱴᱟᱸᱰᱤ ᱡᱚᱝ ᱚᱲᱟᱜ (ᱯᱟᱹᱭᱠᱷᱟᱱᱟ), ᱥᱟᱯᱷᱟ ᱚᱪᱚᱣᱟᱠᱟᱫ ᱠᱤᱱᱟᱭ ᱢᱮᱱᱛᱮ ᱵᱮᱣᱨᱟ ᱥᱟᱢᱟᱝ ᱛᱮ ᱦᱮᱡ ᱟᱠᱟᱱᱟ ᱾ ᱡᱟᱸᱦᱟᱸ ᱨᱮ ᱢᱤᱫ ᱯᱟᱹᱴᱷᱩᱣᱟᱹ ᱜᱤᱫᱨᱟᱹ ᱚᱞ ᱟᱹᱠᱤᱞ ᱟᱨᱡᱟᱣ ᱠᱟᱛᱷᱟ, ᱢᱮᱱᱠᱷᱟᱱ ᱚᱞ ᱟᱹᱠᱤᱞ ᱨᱮᱭᱟᱜ ᱠᱩᱠᱢᱩ ᱵᱟᱝ ᱧᱮᱞᱮ ᱛᱮ ᱢᱟᱪᱮᱛ ᱠᱚ ᱟᱵᱚᱨᱤᱱ ᱜᱤᱫᱽᱨᱟᱹ ᱠᱚᱣᱟᱱᱛᱮ ᱟᱥᱲᱟ ᱨᱮᱭᱟᱜ ᱯᱟᱹᱭᱠᱷᱟᱱᱟ ᱠᱚ ᱥᱟᱯᱷᱟ ᱚᱪᱚᱭᱮᱫ ᱠᱚᱣᱟ ᱾
ᱵᱟᱰᱟᱭ ᱟᱠᱟᱱᱟ ᱵᱟᱝ ᱢᱟ, ᱵᱷᱚᱴ ᱵᱟᱪᱷᱱᱟᱣ ᱵᱮᱲᱟ ᱨᱮ ᱦᱚᱲᱫᱤᱭᱟᱹ ᱮᱛᱚᱦᱚᱵ ᱟᱥᱲᱟ ᱨᱮ ᱵᱷᱚᱴ ᱟᱛᱟᱝ ᱛᱟᱞᱢᱟ ᱥᱟᱹᱜᱩᱱ ᱞᱮᱱᱟ ᱾ ᱟᱫᱚ ᱚᱱᱟ ᱵᱮᱲᱟ ᱠᱚ ᱦᱮᱡ ᱞᱮᱱᱟ ᱯᱨᱤᱡᱟᱰᱤᱝ ᱚᱯᱷᱤᱥᱟᱨ ᱟᱥᱲᱟ ᱯᱟᱹᱭᱠᱷᱟᱱᱟ ᱨᱮᱠᱚ ᱴᱟᱸᱰᱤ ᱞᱣᱜ-ᱟ ᱾ ᱟᱫᱚ ᱚᱱᱟ ᱴᱟᱸᱰᱤ ᱜᱮ ᱢᱟᱨᱟᱝ ᱢᱟᱪᱮᱛ ᱚᱨᱩᱬ ᱠᱩᱢᱟᱨ ᱯᱟᱛᱨᱚ ᱫᱚ ᱟᱡ ᱨᱤᱱ ᱵᱟᱨᱮᱭᱟ ᱪᱮᱛᱮᱫᱤᱭᱟᱹ ᱯᱟᱹᱭᱠᱷᱟᱱᱟ ᱨᱮ ᱢᱮᱱᱟᱜ ᱟᱠᱟᱫ ᱴᱟᱸᱰᱤ ᱫᱚᱭ ᱥᱟᱯᱷᱟ ᱚᱪᱚᱣᱟᱠᱟᱫ ᱠᱤᱱᱟ ᱾
ᱱᱚᱝᱰᱮ ᱠᱷᱚᱱ ᱵᱟᱰᱟᱭ ᱢᱟ, ᱟᱵᱚᱠᱚᱣᱟᱜ ᱥᱮᱪᱮᱫ ᱦᱚᱨᱟ ᱛᱤᱱᱟᱹᱜ ᱱᱟᱯᱟᱭᱟ ᱟᱨ ᱟᱜᱟᱢ ᱨᱤᱱ ᱵᱷᱚᱵᱤᱥᱭᱚ ᱟᱵᱚᱨᱤᱱ ᱜᱤᱫᱟᱹᱨ ᱯᱤᱫᱟᱹᱨ ᱥᱟᱸᱣ ᱥᱚᱢᱟᱡᱽ ᱨᱮᱭᱟᱜ ᱟᱜᱟᱢ ᱪᱮᱫ ᱦᱩᱭᱩᱜᱼᱟ ᱾
(ᱵᱮᱣᱨᱟ ᱵᱷᱤᱰᱤᱭᱚ ᱧᱮᱞ ᱞᱟᱹᱜᱤᱱᱛᱮ ᱞᱟᱛᱟᱨ ᱨᱮ ᱢᱮᱱᱟᱜ ᱪᱤᱛᱟᱹᱨ ᱚᱛᱟᱭ ᱢᱮ ᱹᱹᱹ)
ᱠᱷᱩᱱᱴᱟ ᱠᱷᱚᱱ ᱩᱫᱚᱭᱱᱟᱛ ᱦᱮᱢᱵᱨᱚᱢ ᱛᱮᱠᱤᱱᱟᱜ ᱨᱤᱯᱚᱨᱴ- ᱥᱟᱨᱱᱟ ᱢᱮᱰᱤᱭᱟ
(ᱠᱷᱩᱱᱴᱟ/ᱩᱫᱟᱲᱟ ᱵᱞᱚᱠ ᱥᱟᱨᱱᱟ ᱢᱮᱰᱤᱭᱟ ᱰᱚᱜᱚᱨᱤᱭᱟᱹ ᱢᱟᱱᱚᱛᱟᱱ ᱩᱫᱟᱹᱭᱱᱟᱛ ᱦᱮᱢᱵᱨᱚᱢ, ᱥᱟᱸᱜᱤᱧ ᱜᱟᱞᱼ 9348489744)
ᱟᱭᱢᱟ ᱱᱟᱯᱟᱭ ᱜᱮ ᱥᱟᱨᱱᱟ ᱫᱷᱚᱨᱚᱢ ᱠᱟᱹᱢᱤᱦᱚᱨᱟ...
ReplyDeleteᱥᱟᱸᱣᱛᱮ ᱟᱹᱟᱵᱤᱱ ᱦᱚᱸ ᱥᱟᱨᱦᱟᱣᱹᱹᱹ
Delete