ᱨᱟᱧᱪᱤ, ᱡᱷᱟᱨᱠᱷᱚᱸᱰ
ᱵᱮᱣᱨᱟ ᱠᱷᱚᱱ ᱛᱩᱢᱟᱹᱞ ᱟᱠᱟᱱᱟ ᱵᱟᱝ ᱢᱟ, ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱟᱱᱪᱤ ᱟᱸᱰᱮᱯᱟᱥᱮ ᱨᱮ ᱢᱮᱱᱟᱜ ᱟᱠᱟᱫ ᱠᱚᱠᱚᱨ ᱨᱮ ᱟᱹᱫᱤᱢ ᱵᱤᱨ ᱵᱟᱵᱟ ᱵᱤᱨᱥᱟᱹ ᱢᱩᱱᱰᱟ ᱛᱮᱠᱤᱱᱟᱜ ᱵᱟᱭ ᱴᱷᱟᱸᱣ ᱨᱮ ᱛᱤᱸᱜᱩ ᱨᱟᱠᱟᱵ ᱟᱠᱟᱱ ᱟᱹᱠᱤᱱᱟᱜ ᱵᱮᱱᱟᱣ ᱢᱩᱴᱷᱟᱹᱱ ᱫᱚ ᱚᱠᱚᱭ ᱵᱟᱹᱭᱨᱤ ᱪᱚᱝ ᱟᱹᱠᱤᱱᱟᱜ ᱟᱜ ᱠᱤᱱ ᱥᱟᱵ ᱟᱠᱟᱫ ᱛᱤ ᱫᱚᱠᱚ ᱨᱟᱹᱯᱩᱫ ᱟᱠᱟᱫ ᱛᱟᱹᱠᱤᱱᱟ ᱾ ᱟᱹᱠᱤᱱᱟᱜ ᱵᱮᱱᱟᱣ ᱢᱩᱴᱷᱟᱹᱱ ᱨᱮᱫᱚ ᱵᱤᱨᱥᱟᱹ ᱵᱟᱵᱟ ᱛᱮᱠᱤᱱ ᱫᱚ ᱢᱤᱫ ᱛᱤ ᱨᱮᱫᱚ ᱟᱜ ᱟᱨ ᱢᱤᱫ ᱛᱤ ᱨᱮᱫᱚ ᱡᱩᱞᱩᱜ ᱠᱟᱱ ᱢᱤᱫ ᱥᱮᱝᱜᱮᱞ ᱡᱩᱸᱰᱤ ᱠᱤᱱ ᱥᱟᱵ ᱟᱠᱟᱫ ᱛᱟᱦᱮᱱ ᱾ ᱢᱮᱱᱠᱷᱟᱱ ᱟᱪᱠᱟ ᱜᱮ ᱚᱱᱠᱟ ᱧᱮᱞ ᱧᱟᱢ ᱮᱱᱟ ᱵᱟᱝ ᱢᱟ ᱟᱹᱠᱤᱱᱟᱜ ᱟᱜ ᱥᱟᱨ ᱠᱤᱱ ᱥᱟᱵ ᱟᱠᱟᱫ ᱢᱤᱫ ᱛᱤ ᱫᱚ ᱵᱟᱹᱭᱨᱤ ᱠᱚ ᱨᱟᱹᱯᱩᱫ ᱟᱠᱟᱫ ᱛᱟᱹᱠᱤᱱᱟ ᱾ᱨᱟᱧᱪᱤ ᱨᱟᱡᱽᱵᱷᱚᱵᱚᱱ ᱠᱷᱚᱱ ᱢᱚᱱᱛᱨᱤ ᱢᱟᱪᱤ ᱨᱮᱱᱟᱝ ᱥᱚᱯᱚᱛ ᱦᱟᱛᱟᱣ ᱢᱚᱱᱛᱨᱤ ᱢᱟᱱᱚᱛᱟᱱ ᱨᱟᱢᱪᱚᱱᱫᱨᱚ ᱥᱟᱦᱤᱥ ᱛᱮᱠᱤᱱ ᱫᱚ ᱰᱤᱥᱴᱤᱞ ᱯᱩᱞ ᱡᱟᱯᱟᱜ ᱟᱹᱫᱤᱢ ᱵᱤᱨ ᱵᱟᱵᱟ ᱵᱤᱨᱥᱟᱹ ᱢᱩᱱᱰᱟ ᱛᱮᱠᱤᱱᱟᱜ ᱛᱚᱯᱟ ᱵᱟᱭ ᱴᱷᱟᱸᱣ ᱛᱮ ᱵᱤᱨᱥᱟᱹ ᱵᱟᱵᱟ ᱛᱮᱠᱤᱱᱟᱜ ᱢᱩᱴᱷᱟᱹᱱ ᱨᱮ ᱵᱟᱦᱟ ᱢᱟᱞᱟ ᱟᱨᱟᱣ ᱞᱟᱹᱜᱤᱱᱛᱮ ᱠᱤᱱ ᱥᱮᱴᱮᱨ ᱞᱮᱱ ᱛᱟᱦᱮᱱ ᱾ ᱢᱮᱱᱠᱠᱷᱟᱱ ᱢᱚᱱᱛᱨᱤ ᱜᱚᱢᱠᱮ ᱛᱮᱠᱤᱱ ᱧᱮᱞ ᱫᱚᱠᱤᱱ ᱵᱤᱨᱥᱟ ᱵᱟᱵᱟ ᱛᱮᱠᱤᱱ ᱵᱟᱭ ᱚᱲᱟᱜ ᱵᱚᱞᱚᱱ ᱫᱩᱣᱟᱹᱨ ᱫᱚ ᱥᱤᱧ ᱟᱠᱟᱱᱟ ᱾ ᱛᱟᱭᱚᱢ ᱚᱱᱰᱮᱱ ᱠᱚ ᱠᱟᱹᱢᱤᱭᱟᱹ ᱠᱩᱞᱤ ᱠᱮᱫ ᱠᱚ ᱵᱮᱲᱟ ᱨᱮ ᱞᱟᱹᱭ ᱠᱮᱜ ᱟᱠᱚ ᱵᱟᱝ ᱢᱟ, ᱵᱤᱨᱥᱟᱹ ᱵᱟᱵᱟ ᱛᱮᱠᱤᱱᱟᱜ ᱢᱩᱴᱷᱟᱱ ᱛᱤ ᱨᱟᱹᱯᱩᱫ ᱟᱠᱟᱱ ᱛᱮ ᱱᱚᱱᱰᱮᱱᱟᱜ ᱵᱚᱞᱚᱱ ᱫᱩᱣᱟᱹᱨ ᱫᱚ ᱦᱟᱹᱯᱤᱫ ᱟᱠᱟᱱᱟ ᱾ ᱛᱟᱭᱚᱢ ᱢᱚᱱᱛᱨᱤ ᱨᱟᱢᱪᱚᱱᱫᱨᱚ ᱥᱟᱦᱤᱥ ᱛᱮᱠᱤᱱ ᱫᱚ ᱚᱱᱰᱮ ᱵᱤᱨᱥᱟ ᱵᱟᱵᱟ ᱛᱮᱠᱤᱱᱟᱜ ᱢᱩᱴᱷᱟᱹᱱ ᱨᱮ ᱵᱟᱦᱟ ᱢᱟᱞᱟ ᱵᱟᱝ ᱟᱨᱟᱣ ᱠᱟᱛᱮ ᱨᱩᱣᱟᱹᱲ ᱦᱮᱡ ᱮᱱᱟ ᱠᱤᱱ
᱾ ᱚᱱᱟ ᱛᱟᱭᱚᱢ ᱢᱚᱱᱛᱨᱤ ᱜᱚᱢᱠᱮ ᱛᱮᱠᱤᱱ ᱫᱚ, ᱵᱤᱨᱥᱟ ᱪᱷᱚᱠ ᱛᱮ ᱥᱮᱱ ᱠᱟᱛᱮ ᱚᱱᱰᱮ ᱵᱟᱵᱟ ᱵᱤᱨᱥᱟ ᱛᱮᱠᱤᱱᱟᱜ ᱵᱮᱱᱟᱣ ᱢᱩᱴᱷᱟᱹᱱ ᱨᱮ ᱵᱟᱦᱟ ᱢᱟᱞᱟ ᱠᱤᱱ ᱟᱨᱟᱣ ᱞᱮᱜ ᱟ ᱾
(ᱵᱟᱹᱭᱨᱤ ᱠᱚ ᱨᱟᱹᱯᱩᱫ ᱟᱠᱟᱫ ᱵᱟᱵᱟ ᱵᱤᱨᱥᱟᱹ ᱛᱮᱠᱤᱱᱟᱜ ᱢᱩᱴᱷᱟᱹᱱ ᱛᱤ)
ᱦᱚᱭ ᱟᱫᱚ ᱱᱤᱛᱚᱜ ᱱᱚᱜ ᱚᱭ ᱱᱚᱝᱠᱟ ᱟᱵᱚᱠᱚᱨᱤᱱ ᱟᱹᱫᱤᱢ ᱵᱤᱨ ᱠᱚ ᱟᱵᱚ ᱥᱟᱢᱟᱝ ᱨᱮ ᱵᱟᱹᱱᱩᱜ ᱠᱚ ᱨᱮᱦᱚᱸ ᱛᱤᱱᱟᱹᱜ ᱜᱟᱱ ᱵᱟᱹᱭᱨᱤ ᱢᱚᱱᱟᱱ ᱦᱚᱲ ᱦᱚᱯᱚᱱ ᱠᱚ ᱟᱵᱚᱨᱤᱱ ᱵᱤᱨ ᱵᱟᱱᱴᱷᱟ ᱠᱚ ᱵᱟᱝ ᱠᱚ ᱧᱮᱞ ᱥᱟᱦᱟᱣ ᱫᱟᱲᱮᱭᱟᱠᱚ ᱠᱟᱱᱟ ᱾ ᱡᱟᱸᱦᱟᱸ ᱫᱟᱨᱟᱭ ᱛᱮ ᱛᱮᱦᱮᱧ ᱟᱵᱚᱨᱤᱱ ᱵᱤᱨ ᱠᱚ ᱱᱤᱛᱚᱜ ᱫᱷᱟᱹᱨᱤᱡ ᱛᱮᱦᱚᱸ ᱩᱪᱤᱛ ᱢᱟᱹᱱ ᱵᱟᱝᱠᱚ ᱧᱟᱢ ᱟᱠᱟᱫ ᱛᱟᱵᱚᱱᱟ ᱾ ᱟᱹᱫᱤᱵᱟᱹᱥᱤ ᱵᱤᱨ ᱠᱚ ᱪᱮᱛᱟᱱ ᱨᱮ ᱱᱚᱝᱠᱟ ᱵᱟᱹᱲᱤᱡ ᱦᱩᱭᱩᱜ ᱠᱟᱱ ᱨᱮᱦᱚᱸ ᱛᱮᱦᱮᱧ ᱟᱹᱫᱤᱵᱟᱹᱥᱤ ᱥᱚᱢᱟᱡ ᱫᱚ ᱦᱟᱸᱰᱤ ᱧᱩ ᱯᱟᱨᱩᱣᱟᱹ ᱧᱩ ᱵᱩᱞ ᱠᱟᱛᱮ ᱜᱮ ᱫᱤᱱ ᱮ ᱠᱷᱮᱢᱟᱣ ᱮᱫ ᱟ ᱟᱨ ᱱᱟᱛᱮ ᱟᱡ ᱨᱤᱱ ᱵᱤᱨ ᱠᱚᱣᱟᱜ ᱢᱩᱴᱷᱟᱹᱱ ᱪᱮᱛᱟᱱ ᱨᱮ ᱱᱟᱦᱟᱪᱟᱨ ᱛᱚᱝᱜᱮ ᱠᱚᱜ ᱠᱟᱱᱟ ᱾ ᱮᱱᱦᱚᱸ ᱟᱹᱫᱤᱵᱟᱹᱥᱤ ᱥᱚᱢᱟᱡ ᱞᱟᱹᱜᱤᱱᱛᱮ ᱥᱟᱱᱟᱢᱟᱜ ᱱᱟᱯᱟᱭ ᱜᱮ ᱞᱮᱠᱟᱜᱮ ᱧᱮᱞ ᱧᱟᱢᱚᱜ ᱠᱟᱱᱟ ᱾ ᱪᱮᱫᱟᱜ ᱥᱮ ᱱᱤᱛ ᱫᱷᱟᱹᱨᱤᱡ ᱛᱮ ᱱᱚᱣᱟ ᱵᱤᱨᱚᱫᱷ ᱛᱮ ᱚᱱᱠᱟ ᱡᱟᱦᱟᱱᱟᱜ ᱨᱟᱞᱤ ᱢᱤᱪᱷᱤᱞ ᱵᱤᱨᱚᱫᱷ ᱮᱢᱟᱱ ᱠᱚ ᱥᱟᱯᱲᱟᱣ ᱵᱟᱝ ᱧᱮᱞᱚᱜ ᱠᱟᱱᱟ ᱾ ᱫᱩᱠ ᱛᱮᱦᱮᱧ ᱱᱚᱣᱟ ᱵᱩᱡᱷᱟᱹᱣᱚᱵ ᱠᱟᱱᱟ, ᱥᱟᱝᱜᱮ ᱟᱹᱫᱤᱵᱟᱹᱥᱤ ᱛᱟᱞᱟ ᱨᱮ ᱛᱮᱦᱮᱧ ᱟᱹᱫᱤᱵᱟᱹᱥᱤ ᱵᱤᱨ ᱠᱚ ᱡᱚᱛᱚᱱ ᱵᱟᱹᱱᱩᱜ ᱠᱚᱣᱟ ᱾ ᱱᱚᱣᱟ ᱠᱚ ᱪᱮᱛᱟᱱ ᱨᱮ ᱛᱮᱦᱮᱧ ᱵᱩᱫᱷᱤ ᱡᱤᱵᱤ ᱢᱚᱦᱚᱞ ᱨᱮ ᱵᱤᱪᱟᱹᱨ ᱨᱮᱱᱟᱝ ᱚᱠᱛᱚ ᱥᱮᱴᱮᱨ ᱟᱠᱟᱱᱟ ᱾
ᱥᱟᱱᱛᱟᱲᱤ ᱯᱟᱹᱨᱥᱤ ᱚᱞᱪᱤᱠᱤ ᱛᱮ ᱟᱨᱦᱚᱸ ᱟᱭᱢᱟ ᱵᱮᱣᱨᱟ ᱯᱟᱲᱦᱟᱣ ᱞᱟᱹᱜᱤᱱᱛᱮ ᱥᱟᱨᱱᱟ ᱢᱮᱰᱤᱭᱟ ᱥᱟᱸᱣ ᱡᱩᱲᱟᱹᱭ ᱨᱮ ᱛᱟᱦᱮᱸ ᱠᱚᱜ ᱟᱵᱚᱱ ᱾
Adi sarhao bariyar babu
ReplyDeleteᱫᱟᱫᱟ, ᱥᱟᱸᱣᱛᱮ ᱟᱢ ᱦᱚᱸ ᱟᱭᱢᱟ ᱥᱟᱨᱦᱟᱣᱹᱹᱹ
Deleteᱟᱭᱢᱟ ᱥᱟᱨᱦᱟᱣ ᱵᱟᱹᱵᱩ
ReplyDeleteᱥᱟᱸᱣᱛᱮ ᱫᱟᱫᱟ ᱟᱢᱦᱚᱸ ᱟᱭᱢᱟ ᱥᱟᱨᱦᱟᱣ ᱥᱟᱭᱤᱴ ᱵᱷᱤᱡᱤᱴ ᱞᱟᱹᱜᱤᱱᱛᱮ ᱾
Delete