ᱠᱮᱸᱣᱡᱷᱚᱨ, ᱚᱰᱤᱥᱟ
ᱵᱮᱣᱨᱟ ᱠᱷᱚᱱ ᱵᱟᱰᱟᱭ ᱟᱠᱟᱱᱟ ᱵᱟᱝ ᱢᱟ, ᱚᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱠᱮᱸᱣᱡᱷᱚᱨ ᱡᱤᱞᱞᱟ ᱰᱷᱮᱝᱠᱟ ᱥᱚᱨᱚᱠᱟᱨᱤ ᱛᱟᱱᱟᱞᱟ ᱟᱥᱲᱟ ᱨᱮ ''ᱚᱞ ᱤᱱᱰᱤᱭᱟ ᱥᱟᱱᱛᱟᱲᱤ ᱮᱰᱩᱠᱮᱥᱟᱱ ᱠᱟᱣᱱᱥᱤᱞ, ᱡᱷᱟᱨᱠᱷᱚᱱᱰ'' ᱦᱚᱛᱮᱛᱮ ᱥᱟᱱᱛᱟᱲᱤ ᱯᱟᱨᱥᱤ ᱚᱞᱪᱤᱠᱤ ᱛᱮ ᱵᱤᱱᱤᱰ ᱥᱟᱯᱲᱟᱣ ᱥᱟᱜᱩᱱ ᱦᱩᱭ ᱥᱟᱹᱛ ᱟᱠᱟᱱᱟ ᱾ ᱱᱚᱣᱟ ᱵᱤᱱᱤᱰ ᱫᱚ ᱡᱩᱱ ᱐᱖ ᱠᱷᱚᱱ ᱡᱩᱱ ᱐᱙ ᱦᱟᱹᱵᱤᱡ ᱛᱚᱝᱜᱮ ᱛᱟᱦᱮᱸ ᱠᱟᱱᱟ ᱾ ᱥᱟᱯᱲᱟᱣ ᱞᱮᱱ ᱵᱤᱱᱤᱰ ᱨᱮᱫᱚ ᱯᱨᱟᱭᱢᱮᱨᱤ, ᱢᱤᱰᱤᱞ, ᱢᱮᱴᱨᱤᱠ, ᱟᱤ ᱮ ᱢᱟᱲᱟᱝ ᱥᱮᱨᱢᱟ, ᱟᱤ ᱮ ᱫᱚᱥᱟᱨ ᱥᱮᱨᱢᱟ ᱵᱤᱱᱤᱰ ᱠᱚ ᱥᱟᱯᱲᱟᱣ ᱥᱟᱹᱨᱤ ᱞᱮᱱᱟ ᱾ ᱱᱚᱣᱟ ᱰᱷᱮᱝᱠᱟ ᱛᱟᱱᱟᱞᱟ ᱟᱥᱲᱟ ᱨᱮ ᱵᱤᱱᱤᱰᱤᱭᱟ ᱠᱚ ᱱᱤᱭᱟᱹ ᱥᱮᱨᱢᱟ ᱫᱚ ᱓᱐᱕ ᱵᱤᱱᱤᱰᱤᱭᱟᱹ ᱵᱤᱱᱤᱰ ᱠᱚ ᱮᱢ ᱥᱟᱛ ᱟᱠᱟᱫ ᱟ ᱾ ᱟᱭᱢᱟ ᱵᱤᱱᱤᱰᱤᱭᱟᱹ ᱥᱟᱱᱛᱟᱲᱤ ᱯᱟᱹᱨᱴᱥᱤ ᱚᱞᱪᱤᱠᱤ ᱛᱮ ᱵᱤᱱᱤᱰ ᱠᱚ ᱚᱞ ᱫᱟᱲᱮᱭᱟᱜ ᱠᱟᱱ ᱛᱮ ᱨᱟᱹᱥᱠᱟᱹ ᱠᱚ ᱟᱭᱠᱟᱹᱣ ᱞᱮᱜᱼᱟ ᱾ ᱱᱚᱣᱟ ᱵᱤᱱᱤᱰ ᱛᱟᱱᱟᱞᱟ ᱥᱟᱯᱲᱟᱣ ᱞᱮᱠᱟᱛᱮ ᱫᱚ ᱢᱟᱱᱚᱛᱟᱱ ᱠᱟᱞᱮᱭᱟᱱ ᱵᱟᱥᱠᱮ ᱜᱚᱢᱠᱮ ᱛᱤᱠᱤᱱᱟᱜ ᱛᱟᱹᱨᱤ ᱨᱮ ᱦᱩᱭ ᱥᱟᱹᱛ ᱞᱮᱱᱟ ᱾ ᱚᱱᱟ ᱥᱟᱸᱣ ᱵᱤᱱᱤᱰ ᱱᱟᱭ ᱱᱟᱯᱟᱭ ᱛᱮ ᱥᱟᱨᱥᱟᱹᱜᱩᱱ ᱚᱪᱚᱭ ᱞᱟᱹᱜᱤᱱᱛᱮ ᱟᱭᱢᱟ ᱠᱟᱹᱢᱤᱭᱟ ᱥᱚᱦᱮᱫ ᱢᱟᱪᱮᱛ ᱥᱮᱴᱮᱨ ᱠᱚ ᱛᱟᱦᱮᱸ ᱠᱟᱱᱟ ᱾ ᱵᱱᱟᱰᱟᱭ ᱠᱟᱜ, AISEC ᱦᱚᱛᱮᱛᱮ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱚᱞᱪᱤᱠᱤ ᱛᱮ ᱵᱤᱱᱤᱰ ᱥᱤᱧᱚᱛ ᱨᱮᱭᱟᱜ ᱢᱚᱬᱮ ᱯᱚᱱᱚᱛ ᱨᱮᱭ ᱥᱟᱯᱲᱟᱣ ᱟᱹᱜᱩᱭᱮᱫ ᱟ ᱾ ᱡᱮᱢᱚᱱ ᱡᱷᱟᱨᱠᱷᱚᱱᱰᱹ ᱵᱤᱦᱟᱨ, ᱵᱮᱝᱜᱚᱞ, ᱟᱥᱟᱢ, ᱚᱰᱤᱥᱟ ᱱᱚᱝᱠᱟ ᱥᱤᱧᱚᱛ ᱨᱮᱭᱟᱜ ᱢᱚᱬᱮ ᱯᱚᱱᱚᱛ ᱨᱮ AISEC ᱫᱚ ᱵᱤᱱᱤᱰ ᱮ ᱥᱟᱯᱲᱟᱣ ᱟᱹᱟᱜᱩᱭᱮᱫ ᱟᱭ ᱾ ᱟᱵᱚ ᱥᱟᱱᱟᱢ ᱥᱟᱱᱛᱟᱲ ᱠᱚᱣᱟᱜ ᱛᱷᱩᱢ ᱵᱤᱱᱤᱰᱤᱭᱟᱹ ᱠᱚ ᱪᱮᱛᱟᱱ ᱨᱮ ᱛᱟᱦᱮᱸ ᱠᱚᱜ ᱢᱟ, ᱡᱮᱢᱚᱱ ᱟᱜᱟᱢ ᱫᱤᱱ ᱨᱮ ᱟᱵᱚ ᱥᱚᱢᱟᱡ ᱞᱟᱹᱣᱲᱤᱭᱟᱹ ᱱᱩᱠᱩ ᱟᱵᱚᱨᱤᱱ ᱵᱤᱱᱤᱰᱤᱭᱟᱹ ᱠᱚ ᱥᱟᱡᱟᱣ ᱠᱚᱜ ᱢᱟ ᱾
(ᱵᱤᱱᱤᱰ ᱛᱟᱞᱢᱟ ᱟᱥᱲᱟ ᱨᱤᱱ ᱵᱤᱱᱤᱰᱤᱭᱟ ᱟᱨ ᱥᱚᱦᱮᱫ ᱢᱟᱪᱮᱛ ᱠᱚ ᱛᱩᱞᱩᱡ ᱢᱤᱫ ᱪᱤᱛᱟᱹᱨ)
(ᱥᱟᱱᱛᱟᱹᱲᱤ ᱯᱟᱹᱨᱥᱤ ᱚᱞᱪᱤᱠᱤ ᱛᱮ ᱵᱤᱱᱤᱰ ᱚᱞ ᱨᱟᱹᱥᱠᱟᱹ ᱠᱚ ᱟᱭᱠᱟᱹᱣᱮᱫ ᱵᱤᱱᱤᱰ ᱛᱟᱞᱢᱟ ᱨᱤᱱ ᱵᱤᱱᱤᱰᱤᱭᱟᱹ ᱠᱚ)
ᱠᱮᱸᱣᱡᱷᱚᱨ ᱰᱷᱮᱝᱠᱟ ᱠᱷᱚᱱ ᱫᱷᱚᱱᱮᱥᱚᱨ ᱠᱤᱥᱠᱩ ᱛᱮᱠᱤᱱᱟᱜ ᱛᱩᱢᱟᱹᱞ
ᱥᱟᱱᱛᱟᱹᱲᱤ ᱯᱟᱹᱨᱥᱤ ᱚᱞᱪᱤᱠᱤ ᱛᱮ ᱫᱤᱱᱟᱹᱢ ᱵᱮᱣᱨᱟ ᱯᱟᱲᱦᱟᱣ ᱞᱟᱹᱜᱤᱱᱛᱮ www.sarnamedianews.blogspot.com ᱯᱟᱸᱡᱟᱭ ᱛᱟᱵᱚᱱ ᱢᱟᱹᱹᱹᱹᱹ
ᱟᱰᱤ ᱱᱟᱯᱟᱭ ᱥᱟᱨᱦᱟᱣ ᱜᱚᱱᱠᱮ l
ReplyDelete