ᱥᱟᱞᱠᱷᱟᱱ ᱢᱩᱨᱢᱩ ᱫᱟᱹᱵᱤ ᱠᱮᱜᱼᱟᱭ ᱢᱚᱬᱤᱯᱩᱨ ᱨᱟᱡ ᱨᱮ ᱨᱟᱥᱴᱨᱚᱯᱚᱛᱤ ᱥᱟᱥᱚᱱ ᱞᱟᱹᱜᱤᱱᱛᱮ, ᱥᱤᱧᱚᱛ ᱨᱟᱥᱴᱨᱚᱯᱚᱛᱤ ᱴᱷᱮᱱ ᱪᱤᱴᱷᱤ |

ᱥᱟᱱᱟᱢ ᱠᱚ ᱵᱮᱣᱨᱟ ᱟᱠᱷᱲᱟ ᱨᱮ ᱡᱚᱦᱟᱨᱹᱹᱹᱹᱹ

     

   ᱟᱹᱫᱤᱵᱟᱥᱤ ᱡᱟᱹᱛᱤ ᱪᱮᱛᱟᱱ ᱨᱮ ᱱᱟᱦᱟᱪᱟᱨ ᱫᱤᱱ ᱠᱮ ᱫᱤᱱ ᱵᱟᱹᱲᱛᱤ ᱤᱫᱤᱜ ᱠᱟᱱᱟ, ᱥᱤᱧᱚᱛ ᱯᱷᱩᱨᱜᱟᱹᱞ ᱠᱟᱛᱮ ᱦᱚᱸ ᱛᱮᱦᱮᱧ ᱟᱹᱫᱤᱵᱟᱹᱥᱤ ᱡᱟᱹᱛ ᱪᱮᱛᱟᱱ ᱨᱮ ᱱᱟᱦᱟᱪᱟᱨ ᱵᱟᱝ ᱜᱮ ᱦᱟᱹᱯᱤᱫ ᱟᱠᱟᱱᱟ ᱾ ᱚᱠᱟᱨᱮ ᱫᱚ ᱟᱹᱫᱤᱵᱟᱹᱥᱤ ᱰᱮᱢ ᱠᱷᱟᱫᱟᱱ ᱠᱟᱹᱨᱠᱷᱟᱱᱟ ᱧᱩᱛᱩᱢ ᱛᱮ ᱟᱨ ᱚᱠᱟ ᱨᱮᱫᱚ ᱡᱟᱹᱛᱤ ᱪᱮᱛᱟᱱ ᱛᱮ ᱫᱤᱱ ᱜᱮ ᱟᱹᱫᱤᱵᱟᱹᱥᱤ ᱠᱚ ᱪᱮᱛᱟᱱ ᱨᱮ ᱱᱟᱦᱟᱪᱟᱨ ᱫᱚ ᱛᱚᱸ ᱜᱮ ᱢᱮᱱᱟᱜ ᱟᱠᱟᱫ ᱜᱮᱭᱟ ᱾ ᱚᱱᱠᱟ ᱜᱮ ᱱᱤᱛᱚᱜ ᱧᱮᱞ ᱧᱟᱢ ᱟᱠᱟᱱᱟ, ᱥᱤᱧᱚᱛ ᱨᱮᱭᱟᱜ ᱢᱤᱫ ᱨᱟᱡᱽ ᱡᱟᱦᱟᱸ ᱫᱚ ᱦᱩᱭᱩᱜ ᱠᱟᱱᱟ ᱢᱚᱬᱤᱯᱩᱨ ᱾ ᱢᱚᱬᱤᱯᱩᱨ ᱨᱮ ᱵᱟᱨ ᱪᱟᱸᱫᱚ ᱠᱷᱚᱱ ᱵᱟᱹᱲᱛᱤ ᱫᱤᱱ ᱦᱩᱭᱩᱜ ᱠᱟᱱᱟ ᱥᱩᱠᱷ ᱜᱮ ᱵᱟᱹᱱᱩᱜ ᱟᱠᱟᱫ ᱟ ᱾ ᱱᱚᱜ ᱚᱭ ᱱᱤᱛᱚᱜ ᱥᱚᱥᱟᱞ ᱢᱮᱰᱤᱭᱟ ᱨᱮ ᱢᱤᱫ ᱪᱤᱛᱟᱹᱨ ᱵᱷᱤᱰᱤᱭᱚ ᱦᱚᱭ ᱞᱮᱠᱟ ᱜᱩᱨᱞᱟᱹᱣᱚᱵ ᱠᱟᱱᱟ, ᱚᱱᱟ ᱵᱷᱤᱰᱤᱭᱚ ᱨᱮ ᱧᱮᱞ ᱱᱡᱟᱢᱚᱜ ᱠᱟᱱᱟ ᱵᱟᱝ ᱢᱟᱹᱹᱹᱹ ᱵᱟᱨᱮᱭᱟ ᱟᱹᱫᱤᱵᱟᱹᱥᱤ ᱛᱤᱨᱞᱟᱹ ᱪᱮᱛᱟᱱ ᱨᱮ ᱠᱩᱠᱤ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱨᱤᱱ ᱦᱚᱲ ᱠᱚ ᱡᱟᱹᱛᱤ ᱦᱤᱸᱥᱟᱹ ᱫᱤ ᱛᱮ ᱵᱟᱨᱮᱭᱟ ᱟᱹᱫᱤᱵᱟᱹᱥᱤ ᱛᱤᱨᱞᱟᱹ ᱪᱮᱛᱟᱱ ᱨᱮ ᱥᱤᱢᱟᱹ ᱯᱟᱨᱚᱢ ᱱᱟᱦᱟᱪᱟᱨ ᱠᱚ ᱠᱟᱹᱢᱤ ᱟᱠᱟᱫ ᱟ ᱾ ᱢᱮᱱ ᱫᱚ ᱵᱤᱱ ᱵᱚᱥᱛᱚᱨ ᱠᱟᱛᱮ ᱜᱚᱴᱟ ᱠᱚ ᱠᱩᱫᱟᱹᱣ ᱟᱹᱪᱩᱨ ᱠᱮᱫ ᱠᱤᱱᱟ ᱟᱨ ᱟᱹᱠᱤᱱ ᱪᱮᱛᱟᱱ ᱨᱮ ᱚᱠᱚᱭ ᱚᱠᱟ ᱞᱮᱠᱟᱭ ᱫᱟᱲᱮᱭᱟᱜ ᱠᱟᱱ ᱚᱱᱠᱟᱱ ᱵᱮᱵᱟᱲᱤᱡᱽ ᱱᱟᱦᱟᱪᱟᱨ ᱠᱚ ᱠᱟᱹᱢᱤ ᱤᱫᱤ ᱠᱮᱜ ᱟ ᱩᱱᱠᱤᱱ ᱠᱩᱠᱤ ᱟᱹᱫᱤᱵᱟᱹᱥᱤ ᱛᱤᱨᱞᱟ ᱪᱮᱛᱟᱱ ᱨᱮ ᱾ ᱱᱤᱛᱚᱜ ᱩᱱᱠᱤᱱ ᱟᱹᱫᱤᱢ ᱛᱤᱨᱞᱟ ᱚᱠᱟ ᱞᱮᱠᱟ ᱢᱮᱱᱟᱜ ᱠᱤᱱᱟ ᱚᱠᱚᱭ ᱴᱷᱮᱱ ᱦᱚᱸ ᱵᱷᱟᱹᱜᱤ ᱵᱮᱣᱨᱟ ᱵᱟᱹᱱᱩᱜ ᱟᱠᱟᱫ ᱟ ᱾ 

 

      ᱱᱚᱝᱠᱟ ᱜᱮ ᱢᱚᱬᱤᱯᱩᱨ ᱨᱤᱱ ᱟᱹᱫᱤᱵᱟᱹᱥᱤ ᱠᱚ ᱪᱮᱛᱟᱱ ᱨᱮ ᱟᱹᱰᱤ ᱞᱮᱠᱟ ᱦᱟᱨᱠᱮᱛ ᱦᱩᱭᱩᱜ ᱠᱟᱱᱟ ᱡᱟᱦᱟᱸ ᱠᱷᱟᱛᱤᱨ ᱛᱮᱦᱮᱧ ᱟᱹᱫᱤᱵᱟᱹᱥᱤ ᱥᱮᱝᱜᱮᱞ ᱚᱵᱷᱤᱡᱟᱱ ᱢᱚᱪᱟᱭ ᱠᱷᱩᱞᱟ ᱟᱠᱟᱫ ᱟ ᱟᱨ ᱢᱚᱬᱤᱯᱩᱨ ᱥᱚᱨᱠᱟᱨᱟᱜ ᱵᱮᱵᱟᱹᱲᱤᱡ ᱠᱟᱹᱢᱤ ᱵᱤᱨᱩᱫᱷ ᱨᱮ ᱢᱟᱱᱚᱛᱤᱭᱟᱹ ᱨᱟᱥᱴᱨᱚᱯᱚᱛᱤ ᱴᱷᱮᱱ ᱥᱮᱝᱜᱮᱞ ᱚᱵᱷᱤᱡᱟᱱ ᱨᱮᱱᱤᱡ ᱯᱟᱨᱥᱮᱛ ᱢᱟᱱᱚᱛᱟᱱ ᱥᱟᱞᱠᱷᱟᱱ ᱢᱩᱨᱢᱩ ᱫᱚ ᱪᱤᱴᱷᱤ ᱠᱩᱞ ᱠᱟᱛᱮ ᱟᱡᱟᱜ ᱫᱟᱹᱵᱤᱭ ᱥᱟᱢᱟᱝ ᱥᱚᱫᱚᱨ ᱟᱠᱟᱫᱼᱟ ᱾ ᱟᱨ ᱱᱚᱣᱟ ᱦᱚᱸ ᱢᱟᱱᱚᱛᱟᱱ ᱨᱟᱥᱴᱨᱚᱯᱚᱛᱤ ᱠᱮᱭ ᱱᱮᱦᱚᱨ ᱟᱠᱟᱫᱮᱭᱟ ᱵᱟᱝ ᱢᱟ, ᱢᱚᱬᱤᱯᱩᱨ ᱨᱟᱡᱽ ᱨᱮ ᱢᱮᱱᱟᱭ ᱥᱚᱨᱠᱟᱨ ᱫᱚ ᱨᱟᱹᱯᱩᱫ ᱠᱟᱛᱮ ᱚᱱᱰᱮ ᱥᱟᱱᱛᱤ ᱱᱤᱨᱟᱹᱭ ᱵᱮᱱᱟᱣ ᱨᱟᱠᱟᱵ ᱞᱟᱹᱜᱤᱱᱛᱮ ᱟᱹᱰᱤ ᱩᱥᱟᱹᱨᱟ ᱨᱟᱡᱽ ᱨᱮ ᱨᱟᱥᱴᱨᱚᱯᱚᱛᱤ ᱥᱟᱥᱚᱱ ᱪᱟᱞᱩ ᱠᱟᱛᱮ ᱱᱤᱨᱟᱹᱭ ᱥᱟᱪᱟᱨᱦᱮ ᱟᱹᱜᱩ ᱨᱩᱣᱟᱲ ᱞᱟᱜᱤᱱᱛᱮ ᱱᱮᱦᱚᱨ ᱮ ᱪᱟᱞ ᱟᱠᱟᱣᱟᱫᱮᱭᱟ ᱾

   ᱟᱹᱫᱤᱵᱟᱹᱥᱤ ᱡᱟᱹᱛᱤ ᱪᱮᱛᱟᱱ ᱨᱮ ᱦᱟᱢᱞᱟ ᱛᱮᱦᱮᱧ ᱟᱹᱫᱤᱵᱟᱹᱥᱤ ᱥᱮᱝᱜᱮᱞ ᱚᱵᱷᱤᱡᱟᱱ ᱵᱟᱝ ᱮ ᱧᱮᱞ ᱥᱟᱦᱟᱣ ᱫᱟᱲᱮᱭᱟᱫ ᱛᱮ ᱛᱮᱦᱮᱧ, ᱥᱮᱝᱜᱮᱞ ᱚᱵᱷᱤᱡᱟᱱ ᱡᱟᱜᱟ ᱡᱟᱜᱟ ᱨᱮ ᱢᱚᱬᱤᱯᱩᱨ ᱨᱟᱡᱽ ᱥᱚᱨᱠᱟᱨᱟᱜ ᱵᱩᱥᱩᱵ ᱵᱮᱱᱟᱣ ᱯᱩᱛᱩᱞ ᱮ ᱥᱮᱝᱜᱮᱞ ᱡᱮᱨᱮᱫ ᱟᱭ ᱠᱟᱱᱟ ᱟᱨ ᱢᱚᱬᱤᱯᱩᱨ ᱥᱚᱨᱠᱟᱨ ᱵᱤᱨᱚᱫᱷ ᱨᱮ ᱱᱟᱨᱟ ᱵᱟᱡᱤ ᱦᱚᱸᱭ ᱥᱟᱢᱟᱝ ᱥᱚᱫᱚᱨᱮᱫᱼᱟ ᱾ ᱥᱮᱝᱜᱮᱞ ᱟᱵᱷᱤᱡᱟᱱ ᱯᱟᱦᱟᱴᱟ ᱥᱮᱫ ᱠᱷᱚᱱ ᱛᱮᱦᱮᱧ ᱢᱚᱬᱤᱯᱩᱨ ᱥᱚᱨᱠᱟᱨ ᱵᱷᱟᱨᱚᱛ ᱡᱟᱠᱟᱛ ᱨᱮ ᱵᱤᱨᱚᱫᱷ ᱦᱩᱭᱩᱜ ᱠᱟᱱᱟ ᱟᱨ ᱵᱩᱥᱩᱵ ᱵᱮᱱᱟᱣ ᱯᱩᱛᱩᱞ ᱨᱟᱯᱟᱜ ᱦᱚᱸ ᱛᱚᱝᱜᱮ ᱪᱟᱞᱩ ᱢᱮᱱᱟᱜ ᱟᱠᱟᱫᱼᱟ ᱾ 

      ᱵᱟᱰᱟᱭ  ᱛᱮᱭᱟᱜ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱪᱮᱛᱟᱱ ᱨᱮ ᱱᱚᱝᱠᱟᱱ ᱱᱟᱦᱟᱪᱟᱨ ᱠᱟᱹᱢᱤ ᱛᱮᱦᱮᱧ ᱱᱚᱣᱟ ᱫᱚ ᱱᱟᱣᱟ ᱠᱟᱛᱷᱟ ᱫᱚ ᱵᱟᱝ ᱠᱟᱱᱟ, ᱱᱚᱣᱟ ᱠᱷᱚᱱ ᱦᱚᱸ ᱞᱟᱦᱟ ᱒᱔ ᱱᱚᱵᱷᱮᱢᱵᱚᱨ ᱒᱐᱐᱗ ᱥᱟᱞ ᱨᱮ ᱟᱥᱟᱢ ᱨᱮᱭᱟᱜ ᱜᱩᱣᱟᱦᱟᱴᱤ ᱨᱮ ᱟᱥᱟᱢ ᱟᱹᱫᱤᱵᱟᱹᱥᱤ ᱠᱚ ᱟᱹᱫᱤᱵᱟᱥᱤ ᱥᱩᱪᱤ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱱᱛᱮ ᱢᱤᱫ ᱡᱩᱞᱩᱥ ᱨᱟᱞᱤ ᱠᱚ ᱥᱟᱡᱟᱣ ᱥᱟᱯᱲᱟᱣ ᱞᱮᱜᱼᱟ ᱾ ᱢᱮᱱᱠᱷᱟᱱ ᱚᱱᱟ ᱨᱟᱞᱤ ᱨᱟᱹᱯᱩᱫ ᱞᱟᱹᱜᱤᱱᱛᱮ ᱨᱟᱞᱤ ᱨᱮ ᱥᱮᱞᱮᱫ ᱞᱮᱱ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱪᱮᱛᱟᱱ ᱨᱮ ᱚᱱᱰᱮ ᱦᱟᱢᱞᱟ ᱦᱩᱤ ᱮᱱᱟ ᱟᱨ ᱦᱟᱢᱞᱟ ᱩᱱᱟᱜ ᱜᱟᱹᱦᱤᱨ ᱮᱱᱟ ᱫᱚ ᱚᱠᱚᱭᱟᱜ ᱵᱚᱦᱚᱜ ᱯᱚᱥᱟᱜ ᱮᱱᱟ ᱚᱠᱚᱭᱟᱜ ᱦᱚᱲᱢᱚ ᱡᱚᱠᱷᱚᱢ ᱮᱱᱟ ᱦᱟᱡᱟᱨ ᱦᱟᱡᱟᱨ ᱟᱹᱫᱤᱵᱟᱹᱥᱤ ᱦᱚᱲᱠᱚ ᱜᱷᱟᱭᱚᱞ ᱮᱱᱟ ᱾ ᱥᱟᱸᱣᱛᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱠᱟᱛᱷᱟ ᱛᱮᱦᱮᱧ ᱢᱚᱬᱤᱯᱩᱨ ᱨᱟᱡᱽ ᱨᱮ ᱞᱮᱠᱟ ᱜᱮ ᱩᱱ ᱵᱮᱲᱟ ᱦᱚᱸ ᱢᱤᱫ ᱟᱹᱫᱤᱢ ᱛᱤᱨᱞᱟᱹ ᱪᱮᱛᱟᱱ ᱨᱮ ᱵᱮᱵᱟᱲᱤᱡ ᱱᱟᱦᱟᱪᱟᱨ ᱫᱚ ᱟᱹᱫᱤ ᱦᱟᱦᱟᱲᱟ ᱜᱮ ᱧᱮᱞ ᱧᱟᱢ ᱞᱮᱱᱟ ᱵᱷᱟᱨᱚᱛ ᱥᱟᱱᱟᱢ ᱦᱩᱞᱟ ᱪᱟᱢᱠᱟ ᱞᱮᱱᱟ ᱾ ᱵᱤᱱ ᱵᱚᱥᱛᱚᱨ ᱠᱟᱛᱮ ᱜᱚᱴᱟ ᱜᱩᱣᱟᱦᱟᱹᱴᱤ ᱠᱚ ᱠᱩᱫᱟᱹᱣ ᱟᱹᱪᱩᱨ ᱠᱮᱫᱮᱭᱟ ᱟᱨ ᱟᱡ ᱥᱟᱸᱣ ᱚᱠᱚᱭ ᱚᱠᱟ ᱞᱮᱠᱟᱭ ᱫᱟᱲᱟᱭᱟᱫ ᱚᱱᱠᱟ ᱜᱮ ᱱᱟᱦᱟᱪᱟᱨ ᱦᱚᱸ ᱠᱚ ᱠᱟᱹᱢᱤ ᱤᱫᱤ ᱠᱮᱜᱼᱟ ᱾ ᱞᱟᱦᱟᱛᱮ ᱟᱥᱟᱢ ᱨᱮ ᱦᱩᱤ ᱞᱮᱱᱟ ᱟᱹᱫᱤᱵᱟᱹᱥᱤ ᱛᱤᱨᱞᱟᱹ ᱠᱚ ᱵᱤᱱ ᱵᱚᱥᱛᱚᱨ ᱠᱮᱫᱮᱭᱟ ᱛᱮᱦᱮᱧ ᱢᱚᱬᱤᱯᱩᱨ ᱨᱮ ᱦᱩᱭ ᱮᱱᱟ ᱟᱹᱫᱤᱵᱟᱹᱥᱤ ᱛᱤᱨᱞᱟ ᱠᱚ ᱵᱤᱱ ᱵᱚᱥᱛᱚᱨ ᱚᱪᱚᱜ ᱠᱟᱱᱟ ᱾ ᱟᱹᱫᱤᱵᱟᱹᱥᱤ ᱥᱚᱢᱟᱡᱽ ᱨᱮᱭᱟᱜ ᱤᱡᱡᱚᱛ ᱛᱮᱦᱮᱧ ᱦᱟᱴ ᱵᱟᱡᱟᱨ ᱨᱮ ᱱᱤᱞᱟᱢᱚᱜ ᱠᱟᱱ ᱥᱟᱸᱣᱛᱮ ᱦᱟᱥᱟ ᱫᱷᱩᱲᱤ ᱨᱮ ᱢᱟᱹᱲᱤ ᱢᱮᱴᱟᱣᱚᱵ ᱠᱟᱱᱟ ᱾ 

    ᱥᱮᱝᱜᱮᱞ ᱚᱵᱷᱤᱡᱟᱱ ᱨᱮᱱᱤᱡ ᱯᱟᱨᱥᱮᱛ ᱢᱟᱱᱚᱛᱟᱱ ᱯᱟᱹᱨᱥᱤ ᱡᱤᱛᱠᱟᱹᱨᱤᱭᱟᱹ ᱥᱟᱞᱠᱷᱟᱱ ᱢᱩᱨᱢᱩ ᱨᱟᱥᱴᱨᱚᱯᱚᱛᱤ ᱪᱮᱛᱟᱱ ᱨᱮ ᱪᱤᱴᱷᱤ ᱛᱟᱞᱟ ᱛᱮ ᱪᱮᱫ ᱫᱟᱹᱵᱤᱭ ᱥᱟᱢᱟᱝ ᱥᱚᱫᱚᱨ ᱟᱠᱟᱫᱼᱟ, ᱫᱮᱞᱟ ᱚᱱᱟ ᱵᱚᱱ ᱵᱟᱰᱟᱭ ᱥᱟᱢᱜᱮᱭᱟᱹᱹᱹᱹᱹᱹᱹ ᱨᱟᱥᱴᱨᱚᱯᱚᱛᱤ ᱴᱷᱮᱱ ᱠᱩᱞ ᱟᱠᱟᱱ ᱪᱤᱴᱷᱤ ᱥᱟᱠᱟᱢ ᱛᱟᱞᱟ ᱛᱮᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹ