ᱫᱩᱫᱷᱤᱱᱟᱹᱲᱤ, ᱠᱮᱸᱣᱡᱷᱚᱨ
ᱢᱟᱼ ᱓᱐ᱼ᱐᱔ᱼ᱒᱐᱑᱙ (ᱵᱟᱞᱮ ᱢᱟᱦᱟ)
ᱥᱤᱛᱩᱝ ᱨᱮᱭᱟᱜ ᱟᱦᱟᱞᱟ ᱫᱤᱱ ᱛᱟᱭᱚᱢ ᱫᱤᱱ ᱵᱟᱹᱭ ᱵᱟᱹᱭ ᱛᱮ ᱵᱟᱹᱲᱛᱤ ᱤᱫᱤᱜ ᱠᱟᱱ ᱛᱮ ᱱᱤᱛᱚᱜ ᱥᱟᱱᱟᱢ ᱯᱟᱲᱟ ᱜᱮ ᱠᱩᱧ ᱫᱟᱜ ᱠᱚᱨᱮᱦᱚᱸ ᱧᱩ ᱞᱟᱹᱜᱤᱱᱛᱮ ᱫᱟᱜ ᱨᱮᱱᱟᱜ ᱚᱵᱟᱵᱷ ᱟᱭᱢᱟ ᱥᱟᱱᱟᱢ ᱯᱟᱲᱟ ᱧᱮᱞ ᱧᱟᱢᱚᱜ ᱠᱟᱱᱟ ᱾ ᱠᱩᱧ ᱠᱚᱨᱮ ᱫᱟᱜ ᱟᱝᱡᱮᱫ ᱥᱟᱸᱣ ᱧᱩ ᱡᱤᱣᱤᱫᱚᱜ ᱞᱟᱹᱜᱤᱱᱛᱮ ᱫᱟᱜ ᱨᱮᱭᱟᱜ ᱚᱵᱷᱟᱵᱽ ᱠᱮᱸᱣᱡᱷᱚᱨ ᱡᱤᱞᱞᱟ ᱥᱟᱦᱟᱨᱯᱚᱰᱟ ᱵᱞᱚᱠ ᱢᱟᱪᱷᱚᱜᱚᱰ ᱜᱨᱟᱢ ᱯᱚᱧᱪᱟᱭᱚᱛ ᱵᱷᱤᱛᱟᱹᱨ ᱨᱮ ᱢᱮᱱᱟᱜ ᱟᱠᱟᱫ ᱫᱩᱫᱷᱤᱱᱟᱹᱲᱤ ᱟᱹᱛᱩ ᱜᱚᱨᱟᱢ ᱨᱮ ᱧᱩ ᱫᱟᱜ ᱨᱮᱭᱟᱜ ᱚᱵᱷᱟᱵᱽ ᱰᱮᱦᱮᱨ ᱛᱮᱫ ᱜᱮ ᱧᱮᱞ ᱧᱟᱢ ᱟᱠᱟᱱᱟ ᱾ ᱟᱹᱛᱩ ᱦᱚᱲ ᱠᱚ ᱧᱩ ᱫᱟᱜ ᱞᱟᱹᱜᱤᱱᱛᱮ ᱵᱟᱨ ᱵᱟᱨ ᱫᱟᱹᱵᱤ ᱛᱟᱭᱚᱢ ᱢᱟᱨᱮ ᱰᱷᱮᱠᱚᱡᱽ ᱜᱮᱠᱚ ᱡᱩᱛᱩᱨᱟᱣ ᱨᱩᱣᱟᱹᱲ ᱟᱠᱚ ᱠᱟᱱᱟ ᱾ ᱚᱱᱟ ᱡᱩᱛᱩᱨᱟᱹᱣ ᱨᱩᱣᱟᱹᱲ ᱰᱷᱮᱠᱚᱡᱽ ᱫᱟᱜ ᱠᱷᱚᱱ ᱥᱩᱢᱩᱝ ᱱᱚᱰᱮ ᱫᱟᱜ ᱜᱮ ᱥᱟᱨᱟ ᱞᱮᱛᱟᱲ ᱚᱰᱚᱠᱚᱜ ᱠᱟᱱᱟ ᱾ ᱡᱟᱸᱦᱟᱸ ᱫᱟᱨᱟᱭ ᱛᱮ ᱟᱹᱛᱩ ᱦᱚᱲ ᱵᱮᱥ ᱧᱩ ᱫᱟᱜ ᱜᱮ ᱵᱟᱝᱠᱚ ᱧᱟᱢ ᱫᱟᱲᱮᱭᱟᱜ ᱠᱟᱱᱟ ᱾
ᱟᱹᱛᱩ ᱦᱚᱲ ᱟᱡᱟᱨ ᱠᱚ ᱡᱟᱴᱟᱜ ᱟᱠᱚ ᱠᱷᱟᱱ ᱥᱚᱨᱚᱠᱟᱨ ᱫᱟᱭᱤ ᱛᱟᱦᱮᱱ ᱟ ᱢᱮᱱᱛᱮ, ᱟᱹᱛᱩ ᱦᱚᱲ ᱠᱚ ᱞᱟᱹᱭ ᱟᱠᱟᱫᱼᱟ ᱾ ᱱᱚᱣᱟ ᱦᱟᱨᱠᱮᱛ ᱤᱫᱤ ᱠᱟᱛᱮᱱ ᱟᱵᱚᱭᱤᱡ ᱰᱚᱜᱚᱨᱤᱭᱟᱹ ᱢᱟᱪᱷᱚᱜᱚᱰ ᱥᱚᱨᱯᱚᱱᱪ ᱜᱚᱢᱠᱮ ᱠᱮᱭ ᱠᱩᱞᱤ ᱵᱩᱡᱷᱟᱹᱣ ᱠᱮᱫᱮ ᱱᱮᱲᱟᱨᱮ ᱥᱚᱨᱯᱚᱱᱪ ᱜᱚᱢᱠᱮ ᱛᱮᱠᱤᱱ ᱠᱤᱱ ᱞᱟᱹᱭ ᱨᱩᱣᱟᱹᱲ ᱠᱮᱜ-ᱟ ᱵᱟᱝ ᱢᱟ, ᱱᱚᱝᱠᱟᱱ ᱧᱩ ᱫᱟᱜ ᱚᱵᱷᱟᱵᱽ ᱞᱟᱹᱞᱤᱥ ᱤᱧ ᱴᱷᱮᱱ ᱵᱟᱝ ᱦᱮᱡ ᱟᱠᱟᱱᱟ ᱾
ᱠᱮᱸᱣᱡᱷᱚᱨ ᱠᱷᱚᱱ ᱨᱟᱢᱮᱥᱮᱱ ᱢᱩᱱᱰᱟ ᱛᱤᱠᱤᱱᱟᱜ ᱨᱤᱯᱚᱨᱴ- ᱥᱟᱨᱱᱟ ᱢᱮᱰᱤᱭᱟ
(ᱧᱩ ᱫᱟᱜ ᱟᱵᱷᱟᱵᱽ ᱨᱮᱭᱟᱜ ᱵᱷᱤᱰᱤᱭᱚ ᱞᱟᱛᱟᱨ ᱨᱮ ᱚᱛᱟ ᱠᱛᱮ ᱵᱚᱱ ᱧᱮᱞ ᱫᱟᱲᱮᱭᱟᱜᱼᱟ)
No comments:
Post a Comment