ᱠᱚᱨᱚᱸᱡᱤᱭᱟᱹ ᱵᱷᱚᱸᱡᱽ
ᱩᱲᱤᱥᱟ
ᱢᱚᱭᱩᱨᱵᱷᱚᱸᱡᱽ ᱟᱹᱫᱤᱵᱟᱹᱥᱤ ᱯᱟᱹᱴᱷᱩᱣᱟᱹ ᱜᱟᱸᱣᱛᱟ (ᱢᱟᱥᱟ) ᱫᱟᱹᱵᱤ ᱡᱚᱨ ᱠᱮᱜᱼᱟᱭ ᱟᱱᱰᱟᱨ ᱜᱨᱟᱡᱩᱭᱮᱴ ᱞᱮᱵᱮᱞ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱚᱞ ᱯᱟᱲᱦᱟᱣ ᱮᱦᱚᱵ ᱞᱟᱹᱜᱤᱱᱛᱮ ᱾
ᱵᱮᱣᱨᱟ ᱠᱷᱚᱱ ᱵᱟᱰᱟᱭ ᱟᱠᱟᱱᱟ ᱵᱟᱝ ᱢᱟ, ᱩᱲᱤᱥᱟ ᱯᱚᱱᱚᱛ ᱢᱚᱭᱩᱨᱵᱷᱚᱸᱡᱽ ᱡᱤᱞᱞᱟ ᱨᱮᱭᱟᱜ ᱫᱚᱥᱟᱨ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱠᱚᱨᱚᱸᱡᱤᱭᱟᱹ ᱚᱴᱚᱱᱚᱢᱟᱥ ᱠᱚᱞᱮᱡ ᱢᱚᱭᱩᱨᱵᱷᱚᱸᱡᱽ ᱟᱹᱫᱤᱵᱟᱹᱥᱤ ᱯᱟᱹᱴᱷᱩᱣᱟᱹ ᱜᱟᱸᱣᱛᱟ (ᱢᱟᱥᱟ) ᱯᱟᱦᱟᱴᱟ ᱥᱮᱫ ᱠᱷᱚᱱ, ᱠᱚᱨᱚᱸᱡᱤᱭᱟᱹ ᱚᱴᱚᱱᱚᱢᱟᱥ ᱠᱚᱞᱮᱡ ᱨᱮ ᱩᱥᱟᱹᱨᱟ ᱩᱱᱰᱟᱨ ᱜᱨᱟᱡᱩᱭᱮᱴ ᱞᱮᱵᱮᱞ ᱨᱮ ᱟᱞᱟᱜ ᱥᱟᱱᱛᱟᱲᱤ ᱢᱟᱹᱱ (ᱥᱟᱱᱛᱟᱲᱤ ᱵᱤᱵᱷᱟᱜ) ᱩᱥᱟᱹᱨᱟ ᱡᱷᱤᱡ ᱥᱟᱹᱜᱩᱱ ᱠᱟᱛᱮ ᱩᱥᱟᱹᱨᱟ ᱠᱚᱞᱮᱡ ᱥᱛᱚᱨ ᱨᱮ ᱥᱟᱱᱛᱟᱲᱤ ᱛᱮ ᱯᱟᱲᱦᱟᱣ ᱥᱩᱜᱩᱲ ᱥᱟᱹᱦᱤᱡ ᱱᱚᱣᱟ ᱥᱟᱸᱣ ᱠᱚᱞᱮᱡ ᱨᱮᱭᱟᱜ ᱛᱤᱱᱟᱹᱜ ᱜᱟᱱ ᱩᱛᱱᱟᱹᱣ ᱱᱟᱹᱯᱤᱛ ᱯᱩᱱ ᱫᱚᱯᱷᱟ ᱫᱟᱹᱵᱤ ᱥᱟᱠᱟᱢ ᱢᱟᱥᱟ ᱫᱚ ᱠᱚᱞᱮᱡ ᱨᱤᱱᱤᱡ ᱢᱟᱹᱱᱟᱱ ᱯᱨᱤᱱᱥᱤᱯᱟᱞ ᱜᱚᱢᱠᱮ ᱯᱚᱨᱚᱯᱷᱮᱥᱟᱨ ᱢᱟᱹᱱ ᱠᱮᱹᱥᱤᱹ ᱢᱤᱥᱨᱚ ᱜᱚᱠᱢᱠᱮ ᱛᱤᱠᱤᱱ ᱴᱷᱮᱱ ᱫᱟᱹᱵᱤ ᱠᱚ ᱪᱟᱞ ᱟᱠᱟᱫᱼᱟ ᱾ ᱠᱚᱨᱚᱸᱡᱤᱭᱟᱹ ᱚᱴᱚᱱᱚᱢᱟᱥ ᱠᱚᱞᱮᱡ ᱢᱚᱭᱩᱨᱵᱷᱚᱸᱡᱽ ᱟᱹᱫᱤᱵᱟᱹᱥᱤ ᱯᱟᱹᱴᱷᱩᱣᱟᱹ ᱜᱟᱸᱣᱛᱟ ᱥᱩᱛᱨᱮᱛ ᱢᱟᱹᱱ ᱵᱟᱹᱨᱤᱭᱟᱹᱲ ᱦᱮᱢᱵᱨᱚᱢ ᱛᱤᱠᱤᱱ ᱴᱷᱮᱱ ᱠᱷᱚᱱ ᱵᱟᱰᱟᱭ ᱟᱠᱟᱱᱟ ᱵᱟᱝ ᱢᱟ, ᱵᱟᱨ ᱥᱮᱨᱢᱟ ᱯᱚᱞᱚᱢᱚᱜ ᱠᱟᱱᱟ ᱠᱚᱞᱮᱡ ᱨᱮ ᱥᱟᱱᱛᱟᱲᱤ ᱰᱤᱯᱟᱨᱴᱢᱮᱱᱢᱴ ᱡᱷᱤᱡ ᱥᱟᱹᱜᱩᱱ ᱮᱲᱮ ᱨᱮᱜᱮ ᱛᱟᱸᱦᱮᱸᱱ ᱠᱟᱱᱟ ᱾ ᱱᱤᱛ ᱫᱟᱨᱟᱭ ᱠᱟᱱ ᱥᱮᱪᱮᱫ ᱥᱮᱨᱢᱟ ᱛᱮ ᱠᱚᱞᱮᱡ ᱛᱟᱞᱟ ᱨᱮ ᱥᱟᱱᱛᱟᱲᱤ ᱰᱤᱯᱟᱨᱴᱢᱮᱱᱢᱴ ᱡᱷᱤᱡ ᱥᱟᱹᱜᱩᱱ ᱵᱟᱝ ᱦᱩᱭᱩᱜ ᱟ, ᱛᱚᱵᱮ ᱢᱚᱭᱩᱨᱵᱷᱚᱸᱡᱽ ᱟᱹᱵᱤᱵᱟᱹᱥᱤ ᱯᱟᱹᱴᱷᱩᱣᱟᱹ ᱜᱟᱸᱣᱛᱟ ᱠᱚᱞᱮᱡ ᱦᱟᱹᱯᱤᱫ ᱞᱟᱹᱜᱤᱱᱛᱮᱭ ᱵᱚᱲᱦᱮᱜᱼᱟ ᱾
ᱱᱚᱣᱟ ᱥᱟᱱᱛᱟᱲᱤ ᱰᱤᱯᱟᱨᱴᱢᱮᱱᱢᱴ ᱫᱟᱹᱵᱤ ᱥᱟᱠᱟᱢ ᱮᱢ ᱚᱠᱛᱚ ᱨᱮ ᱟᱭᱢᱟ ᱠᱚᱨᱚᱸᱡᱤᱭᱟᱹ ᱚᱴᱚᱱᱚᱢᱟᱥ ᱠᱚᱞᱮᱡ ᱢᱚᱭᱩᱨᱵᱷᱚᱸᱡᱽ ᱟᱹᱵᱤᱵᱟᱹᱥᱤ ᱯᱟᱹᱴᱷᱩᱣᱟᱹ ᱜᱟᱸᱣᱛᱟ ᱥᱩᱛᱨᱮᱛ ᱢᱟᱹᱱ ᱵᱟᱹᱨᱤᱭᱟᱹᱲ ᱦᱮᱢᱵᱨᱚᱢ, ᱪᱟᱩᱨᱮᱛ ᱢᱟᱹᱱ ᱫᱩᱞᱟᱹ ᱵᱮᱥᱨᱟ, ᱥᱟᱸᱣ ᱞᱚᱫᱷᱮᱭᱟ ᱥᱚᱨᱮᱱ, ᱵᱷᱚᱲᱟᱱᱟᱛ ᱴᱩᱰᱩ, ᱯᱟᱨᱵᱚᱛᱤ ᱢᱟᱨᱱᱰᱤ, ᱞᱚᱠᱷᱢᱚᱱ ᱱᱟᱭᱚᱠ ᱥᱟᱸᱣ ᱠᱚᱨᱚᱸᱡᱤᱭᱟᱹ ᱚᱴᱚᱱᱚᱢᱟᱥ ᱠᱟᱞᱮᱡ ᱢᱟᱥᱟ ᱨᱤᱱ ᱟᱭᱢᱟ ᱯᱟᱹᱴᱷᱩᱣᱟᱹ ᱠᱚᱲᱟ ᱠᱩᱲᱤ ᱥᱮᱞᱮᱫ ᱠᱚ ᱛᱟᱸᱦᱮᱸᱭᱟ ᱾
ᱢᱟᱹ ᱯᱤᱛᱷᱚ ᱢᱟᱨᱱᱰᱤ
ᱰᱚᱜᱚᱨᱤᱭᱟᱹ ᱠᱚᱨᱚᱸᱡᱤᱭᱟᱹ
No comments:
Post a Comment