ᱨᱟᱭᱨᱚᱝᱯᱩᱨ ᱢᱚᱭᱩᱨᱵᱷᱚᱸᱡᱽ
ᱚᱰᱤᱥᱟ
ᱵᱮᱣᱨᱟ ᱠᱷᱚᱱ ᱵᱟᱰᱟᱭ ᱟᱠᱟᱱᱟ ᱵᱟᱝ ᱢᱟ, ᱱᱚᱜ ᱚᱭ ᱪᱟᱞᱟᱣᱮᱱ ᱯᱷᱮᱵᱨᱩᱣᱟᱨᱤ ᱑᱑ ᱵᱟᱵᱟ ᱛᱤᱞᱠᱟᱹ ᱢᱩᱨᱢᱩ ᱛᱤᱠᱤᱱᱟᱜ ᱒᱗᱐ ᱥᱮᱨᱢᱟ ᱟᱱᱟᱜ ᱥᱟᱹᱜᱩᱱ ᱡᱟᱱᱟᱢ ᱢᱟᱦᱟ ᱢᱟᱱᱟᱣ ᱚᱠᱛᱚ ᱨᱮ, ᱟᱹᱫᱤᱵᱟᱹᱥᱤ ᱥᱮᱝᱜᱮᱞ ᱚᱵᱷᱤᱭᱟᱱ ᱫᱚ ᱥᱤᱧᱚᱛ ᱨᱮᱭᱟᱜ ᱢᱚᱬᱮ ᱟᱹᱫᱤᱵᱟᱹᱥᱤ ᱯᱚᱱᱚᱛ ᱨᱮ ᱥᱟᱨᱱᱟ ᱫᱷᱚᱨᱚᱢ ᱩᱥᱟᱹᱨᱟ ᱥᱚᱨᱚᱠᱟᱨᱤ ᱢᱟᱱᱚᱛ ᱞᱟᱹᱜᱤᱫᱛᱮ ᱥᱟᱱᱟᱢ ᱯᱚᱱᱚᱛ ᱨᱮᱭᱟᱜ ᱡᱤᱞᱞᱟ ᱢᱩᱠᱷᱭᱟᱲᱚᱭ ᱨᱮ ᱢᱤᱫ ᱢᱟᱹᱦᱟᱹᱨᱤ ᱢᱟᱨᱟᱝ ᱫᱟᱹᱵᱤ ᱫᱷᱟᱨᱱᱟ ᱠᱟᱹᱢᱤᱦᱚᱨᱟᱭ ᱥᱟᱨᱼᱥᱟᱹᱜᱩᱱ ᱞᱮᱜ ᱟ ᱾ ᱱᱚᱣᱟ ᱫᱟᱹᱵᱤ ᱫᱷᱟᱨᱱᱟ ᱠᱟᱹᱢᱤᱦᱚᱨᱟ ᱫᱚ, ᱵᱤᱦᱟᱨ, ᱵᱮᱝᱜᱚᱞ, ᱟᱥᱟᱢ, ᱚᱰᱤᱥᱟ, ᱡᱷᱟᱨᱠᱷᱚᱱᱰ ᱥᱟᱱᱟᱢ ᱢᱚᱬᱮ ᱟᱹᱫᱤᱵᱟᱹᱥᱤ ᱯᱚᱱᱚᱛ ᱨᱮ ᱧᱮᱞ ᱧᱟᱢ ᱞᱮᱱᱟ ᱾
ᱱᱚᱣᱟ ᱵᱮᱲᱟ ᱨᱮ ᱥᱟᱯᱲᱟᱣ ᱞᱮᱱ, ᱢᱤᱪᱷᱤᱞ ᱠᱟᱹᱢᱤᱦᱚᱨᱟ ᱨᱮ ᱟᱹᱫᱤᱵᱟᱹᱥᱤ ᱥᱮᱝᱜᱮᱞ ᱚᱵᱷᱤᱭᱟᱱ ᱫᱚ ᱠᱮᱴᱮᱡ ᱥᱟᱹᱦᱤᱡ ᱫᱤᱥᱚᱢ ᱢᱟᱨᱟᱝ ᱢᱚᱱᱛᱨᱤ ᱢᱟᱹᱱᱟᱱ ᱱᱚᱨᱮᱱᱫᱨᱚ ᱢᱚᱫᱤ ᱜᱚᱢᱠᱮ ᱛᱤᱠᱤᱱ ᱴᱷᱮᱱ ᱫᱟᱹᱵᱤᱭ ᱥᱟᱢᱟᱝ ᱟᱠᱟᱫ ᱟ ᱵᱟᱝ ᱢᱟ, ᱟᱹᱫᱤᱵᱟᱹᱥᱤ ᱠᱚᱣᱟᱜ ᱫᱷᱚᱨᱚᱢ ᱥᱟᱨᱱᱟ ᱫᱷᱚᱨᱚᱢ ᱩᱥᱟᱹᱨᱟ ᱥᱤᱧᱚᱛ ᱥᱟᱢᱵᱤᱫᱷᱟᱱ ᱩᱱᱩᱪᱷᱮᱫ ᱒᱕ᱼ᱒᱘ ᱞᱮᱠᱟᱛᱮ ᱩᱥᱟᱹᱨᱟ ᱥᱚᱨᱚᱠᱟᱨᱤ ᱢᱟᱱᱚᱛ ᱥᱟᱸᱣ ᱥᱟᱱᱟᱢ ᱢᱚᱬᱮ ᱟᱹᱫᱤᱵᱟᱹᱥᱤ ᱯᱚᱱᱚᱛ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱫᱚ ᱫᱚᱥᱟᱨ ᱨᱟᱡᱽᱯᱟᱹᱨᱥᱤ ᱢᱟᱱᱚᱛ ᱥᱟᱸᱣ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱥᱟᱱᱟᱢ ᱞᱮᱠᱟᱱᱟᱜ ᱦᱚᱠ ᱟᱹᱭᱫᱟᱨ ᱞᱟᱹᱜᱤᱱᱛᱮ ᱫᱟᱹᱵᱤ ᱠᱚ ᱥᱟᱢᱟᱝ ᱞᱮᱜᱟ ᱾
ᱯᱚᱱᱚᱛ ᱥᱟᱱᱟᱢ ᱨᱮ ᱥᱟᱯᱲᱟᱣ ᱞᱮᱱ ᱢᱤᱪᱷᱤᱞ ᱨᱮᱭᱟᱜ ᱪᱤᱛᱟᱹᱨ
ᱵᱤᱦᱟᱨ ᱯᱚᱱᱚᱛ ᱨᱮᱦᱚᱸ ᱥᱮᱝᱜᱮᱞ ᱠᱚᱣᱟᱜ ᱚᱨᱥᱚᱝ
ᱚᱰᱤᱥᱟ ᱯᱚᱱᱚᱛ ᱨᱮᱦᱚᱸ ᱥᱮᱝᱜᱮᱞ ᱠᱚᱣᱟᱜ ᱚᱨᱥᱚᱝ
ᱡᱷᱟᱨᱠᱷᱚᱱᱰ ᱯᱚᱱᱚᱛ ᱨᱮ ᱦᱚᱸ ᱥᱮᱝᱜᱮᱞ ᱚᱨᱥᱟᱝ
ᱥᱟᱨᱱᱟ ᱢᱮᱰᱤᱭᱟ
ᱟᱹᱰᱤᱱᱟᱯᱟᱭ ᱜᱚᱝᱠᱮ
ReplyDelete