ᱯᱩᱪᱷᱤᱢ ᱵᱟᱝᱜᱟᱞ
ᱯᱩᱨᱩᱞᱤᱭᱟᱹ
ᱟᱹᱫᱤᱵᱟᱹᱥᱤ ᱥᱟᱨᱱᱟ ᱫᱷᱚᱨᱚᱢ ᱦᱚᱲ ᱦᱚᱯᱚᱱ ᱠᱚᱣᱟᱜ ᱞᱩᱜᱩ ᱵᱩᱨᱩ ᱜᱷᱟᱱᱴᱟ ᱵᱟᱹᱲᱤ ᱥᱟᱨᱱᱟ ᱫᱷᱚᱨᱚᱢ ᱜᱟᱲ ᱞᱮᱠᱟᱱᱟᱜ ᱟᱨ ᱦᱚᱸ ᱫᱷᱚᱨᱚᱢ ᱜᱟᱲ ᱮᱢ ᱠᱷᱚᱡᱟᱨ ᱞᱮᱠᱷᱟᱱ ᱫᱚ, ᱯᱩᱪᱷᱤᱢ ᱵᱟᱝᱜᱟᱞ ᱯᱚᱱᱚᱛ ᱯᱩᱨᱩᱞᱤᱭᱟᱹ ᱡᱤᱞᱞᱟ ᱵᱷᱤᱛᱟᱹᱨ ᱨᱮ ᱢᱮᱱᱟᱜ ᱟᱠᱟᱫ ᱡᱩᱜᱤ ᱵᱩᱨᱩ ᱥᱟᱨᱱᱟ ᱫᱷᱚᱨᱚᱢ ᱜᱟᱲ ᱢᱮᱱᱛᱮ ᱵᱟᱰᱟᱭᱚᱜ ᱟ ᱟᱨᱮᱢ ᱧᱮᱞ ᱧᱟᱢᱟ ᱾ ᱟᱵᱚᱨᱤᱱ ᱟᱹᱜᱤᱞ ᱦᱟᱯᱽᱲᱟᱢ ᱥᱟᱸᱣ ᱱᱤᱛ ᱱᱟᱝ ᱦᱟᱯᱲᱟᱢ ᱠᱚᱣᱟᱜ ᱢᱚᱪᱟ ᱠᱚᱨᱮ ᱠᱷᱚᱱ ᱟᱧᱡᱚᱢ ᱦᱮᱡ ᱟᱠᱟ ᱢᱮᱱᱟᱜ ᱱᱤᱛᱚᱜ ᱫᱷᱟᱹᱨᱤᱡ ᱦᱚᱸ ᱟᱸᱧᱡᱚᱢᱚᱜ ᱠᱟᱱᱟ ᱾ ᱡᱩᱜᱤ ᱵᱩᱨᱩ ᱥᱟᱨᱱᱟ ᱫᱷᱚᱨᱚᱢ ᱜᱟᱲ ᱨᱮ ᱟᱵᱚᱨᱤᱱ ᱟᱹᱜᱤᱞ ᱟᱭᱚ ᱵᱟᱵᱟ ᱢᱮᱱᱫᱚ, ᱯᱤᱞᱪᱩ ᱵᱟᱵᱟ ᱟᱨ ᱯᱤᱞᱪᱩ ᱟᱭᱚ ᱛᱮᱠᱤᱱ ᱫᱚ, ᱫᱷᱤᱨᱤ ᱨᱩᱯ ᱨᱮ ᱡᱩᱜᱤ ᱵᱩᱨᱩ ᱨᱮᱠᱤᱱ ᱯᱟᱥᱟᱝ ᱠᱟᱛᱮ ᱫᱷᱤᱨᱤ ᱛᱟᱞᱟ ᱨᱮ ᱛᱷᱟᱯᱚᱱ ᱢᱮᱱᱟᱜ ᱠᱤᱱᱟ ᱾ ᱱᱤᱛ ᱱᱟᱝ ᱥᱚᱥᱱᱚᱜ ᱥᱟᱸᱣᱛᱟ ᱨᱮᱦᱚᱸ ᱯᱤᱞᱪᱩ ᱵᱟᱵᱟ ᱟᱨ ᱯᱤᱞᱪᱩ ᱟᱭᱚ ᱛᱮᱠᱤᱱ ᱯᱟᱥᱟᱝ ᱟᱠᱟᱱ ᱠᱤᱱ ᱚᱱᱟ ᱫᱷᱤᱨᱤ ᱡᱩᱜᱤ ᱵᱩᱨᱩ ᱥᱟᱨᱱᱟ ᱫᱷᱚᱨᱚᱢ ᱜᱟᱲ ᱨᱮ ᱧᱮᱞ ᱧᱟᱢᱚᱜ ᱠᱟᱱᱟ ᱾
ᱟᱫᱚ ᱡᱚᱛᱚ ᱥᱮᱨᱢᱟ ᱜᱮ, ᱥᱮᱨᱢᱟ ᱯᱩᱨᱟᱹᱣ ᱯᱷᱟᱹᱜᱩᱱ ᱵᱚᱝᱜᱟ ᱨᱮ ᱡᱩᱜᱤ ᱵᱩᱨᱩ ᱨᱮ ᱯᱤᱞᱪᱩ ᱵᱟᱵᱟ ᱟᱨ ᱯᱤᱞᱪᱩ ᱟᱭᱚ ᱛᱮᱠᱤᱱᱟᱜ ᱯᱟᱥᱟᱝ ᱫᱷᱤᱨᱤ ᱢᱩᱛᱷᱟᱹᱱ ᱨᱮ ᱵᱚᱝᱜᱟ ᱵᱳᱨᱳ ᱯᱮᱨᱮᱡ ᱩᱢᱟᱹᱲ ᱠᱟᱹᱢᱤᱦᱚᱨᱟ, ᱵᱟᱨᱮᱭᱟ ᱥᱟᱸᱣᱛᱟᱹᱨᱤ ᱥᱚᱝᱜᱚᱴᱷᱚᱱ ᱵᱟᱨᱦᱟ ᱫᱤᱥᱚᱢ ᱠᱷᱮᱨᱣᱟᱲ ᱥᱮᱢᱞᱮᱫ ᱟᱨ ᱢᱟᱹᱱᱢᱤ ᱥᱤᱨᱡᱚᱱ ᱡᱩᱜᱤ ᱵᱩᱨᱩ ᱡᱤᱭᱟᱹᱲ ᱡᱷᱟᱨᱱᱟ ᱜᱟᱸᱣᱛᱟ ᱠᱤᱱ ᱯᱟᱦᱟᱴᱟ ᱥᱮᱫ ᱠᱷᱚᱱ ᱵᱚᱪᱷᱚᱨ ᱥᱮᱨᱢᱟ ᱵᱚᱝᱜᱟ ᱵᱩᱨᱩ ᱯᱮᱨᱮᱡ ᱩᱢᱟᱹᱲ ᱠᱟᱹᱢᱤᱦᱚᱨᱟ ᱥᱟᱨᱼᱥᱟᱹᱜᱩᱱᱚᱜ ᱠᱟᱱᱟ ᱾
ᱱᱮᱥ, ᱱᱚᱣᱟ ᱥᱮᱨᱢᱟ ᱦᱚᱸ ᱚᱱᱠᱟᱜᱮ ᱡᱩᱜᱤ ᱵᱩᱨᱩ ᱥᱟᱨᱱᱟ ᱫᱷᱚᱨᱚᱢ ᱜᱟᱲ ᱛᱟᱞᱟᱨᱮ ᱯᱤᱞᱪᱩ ᱵᱟᱵᱟ ᱟᱨ ᱯᱤᱞᱪᱩ ᱟᱭᱚ ᱛᱮᱠᱤᱱᱟᱜ ᱯᱟᱸᱡᱟ ᱯᱚᱨᱟᱭᱱᱤ ᱠᱚᱞᱮᱨᱮ ᱵᱚᱝᱜᱟ ᱵᱳᱨᱳ ᱠᱟᱹᱢᱤᱦᱚᱨᱟ ᱱᱤᱨᱚᱲ ᱢᱚᱱ ᱥᱟᱸᱣ ᱱᱟᱭ ᱱᱟᱯᱟᱭ ᱛᱮᱜᱮ ᱥᱟᱨᱼᱥᱟᱹᱜᱩᱱ ᱥᱟᱹᱛ ᱟᱠᱟᱱᱟ ᱾ ᱱᱚᱣᱟ ᱵᱚᱝᱜᱟ ᱵᱳᱨᱳ ᱯᱮᱨᱮᱡ ᱩᱢᱟᱹᱲ ᱚᱠᱛᱚ ᱨᱮ ᱟᱭᱢᱟ ᱥᱟᱨᱱᱟ ᱫᱷᱚᱨᱚᱢ ᱫᱩᱞᱟᱹᱲᱤᱭᱟᱹ ᱥᱮᱴᱮᱨ ᱠᱚ ᱛᱟᱸᱦᱮᱸᱭᱟ ᱾
© Sarna Media Pvt. Limited
No comments:
Post a Comment