ᱰᱚᱜᱚᱨᱤᱭᱟᱹ
ᱵᱮᱣᱨᱟ ᱠᱷᱚᱱ ᱛᱩᱢᱟᱹᱞ ᱟᱠᱟᱱᱟ ᱵᱟᱝ ᱢᱟ ᱛᱮᱦᱮᱧ ᱟᱨ ᱜᱟᱯᱟ ᱘ ᱟᱨ ᱙ ᱢᱟᱹᱦᱤᱛ ᱦᱤᱞᱚᱜ ᱑᱒ ᱴᱟᱲᱟᱝ ᱥᱤᱧᱚᱛᱤᱭᱟᱹ ᱱᱟᱞᱦᱟ ᱜᱟᱸᱣᱛᱟ ᱥᱤᱧᱚᱛ ᱦᱟᱹᱯᱤᱫ ᱮ ᱫᱚᱦᱚᱭᱟ ᱢᱮᱱᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ ᱾ ᱵᱟᱰᱟᱭ ᱧᱟᱢ ᱟᱠᱟᱱᱟ, ᱥᱤᱧᱚᱛ ᱵᱤ.ᱡᱮ.ᱯᱤ ᱥᱚᱨᱠᱟᱨ ᱟᱜ ᱪᱟᱹᱥᱤ ᱦᱟᱨᱠᱮᱛ ᱟᱹᱨᱤ ᱥᱟᱹᱣ ᱫᱤᱱᱟᱹᱢ ᱱᱟᱞᱦᱟ ᱠᱚ ᱞᱟᱹᱜᱤᱱᱛᱮ ᱦᱟᱨᱠᱮᱛ ᱟᱹᱨᱤ ᱵᱤᱨᱚᱫᱷ ᱛᱮ ᱥᱤᱧᱚᱛᱤᱭᱟᱹ ᱫᱤᱱᱟᱹᱢ ᱱᱟᱞᱦᱟ ᱜᱟᱸᱣᱛᱟ ᱫᱚ ᱵᱤ.ᱡᱮ.ᱯᱤ ᱥᱚᱨᱠᱟᱨ ᱵᱤᱨᱚᱫᱷ ᱛᱮ ᱱᱚᱣᱟ ᱥᱤᱧᱚᱛ ᱦᱟᱹᱯᱤᱫ ᱠᱟᱹᱢᱤᱦᱚᱨᱟ ᱫᱚᱭ ᱥᱟᱵᱟ ᱨᱟᱠᱟᱵ ᱟ ᱢᱮᱱᱛᱮ ᱵᱮᱣᱨᱟ ᱠᱷᱚᱱ ᱵᱟᱰᱟᱭᱚᱜ ᱠᱟᱱᱟ ᱾
ᱱᱚᱣᱟ ᱥᱤᱧᱚᱛ ᱦᱟᱹᱯᱤᱫ ᱨᱮᱫᱚ ᱥᱤᱧᱚᱛ ᱨᱮᱭᱟᱜ ᱥᱟᱱᱟᱢ ᱯᱚᱱᱚᱛ ᱨᱮ ᱚᱨᱥᱚᱝ ᱵᱟᱡᱟᱣᱚᱜ ᱟ ᱢᱮᱱᱛᱮ ᱦᱚᱸ ᱵᱟᱰᱟᱭ ᱟᱠᱟᱱᱟ ᱾ ᱚᱱᱟ ᱥᱟᱸᱣ ᱱᱚᱣᱟ ᱦᱟᱹᱯᱤᱫ ᱨᱮ ᱫᱚ ᱥᱟᱱᱟᱢ ᱞᱮᱠᱟᱱᱟᱜ ᱜᱮ ᱦᱟᱹᱯᱤᱫ ᱛᱟᱸᱦᱮᱱᱟ ᱢᱮᱱᱛᱮ ᱠᱚ ᱜᱚᱴᱟ ᱦᱟᱠᱟᱫᱼᱟ ᱾ ᱡᱮᱞᱮᱠ, ᱡᱟᱹᱛᱤᱭᱟᱹᱨᱤ ᱨᱟᱡᱽᱼᱥᱚᱲᱚᱠ, ᱦᱟᱴᱼᱫᱚᱠᱟᱱᱼᱵᱟᱡᱟᱨ, ᱥᱮᱪᱮᱫᱼᱟᱥᱲᱟ, ᱥᱚᱨᱠᱟᱨᱤ ᱟᱨ ᱵᱤᱱ ᱥᱚᱨᱠᱟᱨᱤ ᱠᱟᱹᱢᱤᱭᱟᱹ ᱢᱮᱞᱟ ᱞᱮᱠᱟᱱ ᱥᱟᱱᱟᱢ ᱞᱮᱠᱟᱱᱟᱜ ᱡᱟᱭᱜᱟ ᱦᱟᱹᱯᱤᱫ ᱛᱟᱸᱦᱮᱱ ᱵᱮᱲᱟ ᱨᱮ , ᱦᱟᱥᱯᱟᱛᱟᱞᱼ ᱨᱟᱱ ᱫᱚᱠᱟᱱ, ᱟᱢᱵᱩᱞᱟᱱᱥ ᱞᱮᱠᱟᱱ ᱥᱮᱵᱟ ᱫᱚ ᱨᱟᱲᱟ ᱜᱮ ᱛᱟᱸᱦᱮᱱ ᱟ ᱢᱮᱱᱛᱮ ᱵᱟᱰᱟᱭ ᱟᱠᱟᱱᱟ ᱾
ᱥᱤᱧᱚᱛᱤᱭᱟᱹ ᱫᱤᱱᱟᱹᱢ ᱱᱟᱞᱦᱟ ᱜᱟᱸᱣᱛᱟ ᱞᱟᱹᱞᱤᱥ ᱟᱠᱟᱫ ᱟ ᱵᱟᱝ ᱢᱟ, ᱪᱟᱹᱥᱤ, ᱫᱤᱱᱟᱹᱢ ᱱᱟᱞᱦᱟ ᱠᱚ ᱪᱮᱛᱟᱱ ᱨᱮ ᱡᱟᱸᱦᱟᱸ ᱛᱤᱱ ᱵᱷᱩᱨ ᱱᱟᱦᱟᱪᱟᱨ ᱥᱚᱨᱠᱟᱨ ᱵᱟᱝ ᱮ ᱦᱟᱹᱯᱤᱫ ᱟ , ᱩᱱ ᱵᱷᱩᱨ ᱱᱚᱝᱠᱟᱱ ᱚᱱᱫᱚᱲᱚᱱ ᱫᱤᱱᱜᱮ ᱥᱤᱧᱚᱛ ᱨᱮ ᱛᱤᱝᱜᱩᱣᱟᱠᱟ ᱛᱟᱸᱦᱮᱸᱱ ᱟ ᱾
ᱵᱟᱹᱲᱛᱤ ᱵᱮᱣᱨᱟ ᱞᱟᱹᱜᱤᱱᱛᱮ
www.sarnamedianews.blogspot.com
ᱱᱟᱯᱟᱭ ᱵᱮᱣᱨᱟ...
ReplyDelete