ᱜᱩᱢᱞᱟ ᱡᱷᱟᱨᱠᱷᱚᱱᱰ
ᱥᱟᱨᱹᱫᱤ ᱢᱟᱦᱟ ᱛᱟᱨᱟᱥᱤᱧ ᱴᱷᱤᱠ ᱚᱠᱛᱚ ᱓ ᱴᱟᱲᱟᱝ ᱓᱗ ᱴᱤᱲᱤᱡ ᱚᱠᱛᱚ ᱨᱮ ᱡᱚᱢᱢᱩᱼᱠᱟᱥᱢᱤᱨ ᱨᱮᱭᱟᱜ ᱯᱩᱞᱣᱟᱢᱟ ᱨᱮ ᱦᱩᱭᱮᱱ ᱫᱤᱥᱚᱢ ᱵᱟᱹᱭᱨᱤ ᱠᱚᱣᱟᱜ ᱵᱟᱹᱨᱩᱛ ᱜᱟᱹᱰᱤ ᱚᱴᱮᱡ ᱔᱐ ᱜᱚᱴᱮᱡ CRPF ᱡᱚᱵᱟᱱ ᱠᱚ ᱥᱚᱦᱤᱫ ᱟᱠᱟᱱᱟ ᱾ ᱩᱱᱠᱩ ᱥᱚᱦᱤᱫ ᱟᱠᱟᱱ ᱵᱤᱨ ᱡᱚᱵᱟᱱ ᱢᱩᱫ ᱠᱷᱚᱱ, ᱢᱤᱫ ᱫᱚ ᱥᱟᱱᱛᱟᱲ ᱟᱹᱫᱤᱵᱟᱹᱥᱤ ᱠᱟᱱᱟ ᱠᱤᱱ ᱢᱮᱱᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ ᱾ ᱡᱟᱸᱦᱟᱸᱭ ᱫᱚ, ᱵᱤᱨ ᱥᱚᱦᱤᱫ ᱵᱤᱡᱚᱭ ᱥᱚᱨᱮᱱ CRPF 82 Battalion ᱞᱮᱠᱟᱛᱮ ᱫᱤᱥᱚᱢ ᱨᱩᱠᱷᱤᱭᱟ. ᱠᱟᱹᱢᱤ ᱨᱮᱠᱤᱱ ᱡᱚᱲᱟᱣ ᱞᱮᱱ ᱛᱟᱸᱦᱮᱱ ᱾
ᱵᱤᱨ ᱥᱚᱦᱤᱫ ᱥᱚᱨᱮᱱ ᱜᱚᱢᱠᱮ ᱛᱤᱠᱤᱱ ᱫᱚ, ᱜᱩᱢᱞᱟ ᱡᱤᱞᱞᱟ ᱵᱟᱹᱥᱤᱭᱟᱹ ᱯᱨᱚᱠᱷᱚᱱᱰ ᱵᱷᱤᱛᱟᱹᱨ ᱨᱮ ᱢᱮᱱᱟᱜ ᱟᱠᱟᱫ ᱯᱷᱚᱨᱥᱚᱢᱟ ᱟᱹᱛᱩ ᱜᱚᱨᱟᱢ ᱠᱷᱚᱱ ᱫᱤᱥᱚᱢ ᱨᱩᱠᱷᱤᱭᱟᱹ ᱠᱟᱹᱢᱤᱦᱚᱨᱟ ᱨᱮᱠᱤᱱ ᱠᱷᱚᱸᱡᱟ ᱞᱮᱱ ᱛᱟᱸᱦᱮᱱ ᱾ ᱯᱩᱞᱣᱟᱢᱟ ᱠᱟᱥᱢᱤᱨ ᱵᱚᱢ ᱵᱟᱹᱨᱩᱛ ᱚᱴᱮᱡ ᱛᱮ, ᱔᱐ ᱜᱚᱴᱮᱡ CRPF ᱡᱚᱵᱟᱱ ᱥᱚᱦᱤᱫ ᱵᱮᱣᱨᱟ ᱨᱮ ᱡᱚᱵᱟᱱ ᱵᱤᱡᱚᱭ ᱥᱚᱨᱮᱱ ᱛᱤᱠᱤᱱᱟᱜ ᱦᱚᱸ ᱵᱚᱢ ᱚᱴᱮᱫ ᱛᱮᱠᱤᱱ ᱥᱚᱦᱤᱫ ᱟᱠᱟᱱᱟ ᱢᱮᱱᱛᱮ ᱯᱟᱥᱱᱟᱣ ᱵᱮᱣᱨᱟ ᱨᱮ ᱵᱟᱰᱟᱭᱮᱱ ᱛᱟᱭᱚᱢ, ᱥᱚᱦᱤᱫ ᱥᱚᱨᱮᱱ ᱜᱷᱟᱸᱨᱚᱡᱽ ᱥᱟᱸᱣ ᱡᱷᱟᱨᱠᱷᱚᱱᱰ ᱯᱚᱱᱚᱛ ᱡᱟᱠᱟᱛ ᱫᱩᱠ ᱨᱮᱭᱟᱜ ᱫᱚᱨᱮᱭᱟ ᱞᱟᱞᱮ ᱪᱟᱯᱮᱭᱟᱠᱟᱱᱟ ᱾ ᱱᱚᱣᱟ ᱵᱮᱣᱨᱟ ᱟᱝᱡᱚᱢ ᱠᱟᱛᱮ ᱡᱷᱟᱨᱠᱷᱚᱱᱰ ᱯᱚᱱᱚᱛ ᱥᱤᱨᱟᱹ ᱢᱚᱱᱛᱨᱤ ᱢᱟᱱᱚᱛᱟᱱ ᱨᱚᱜᱷᱩᱵᱚᱨ ᱫᱟᱥ ᱥᱟᱸᱣ ᱡᱷᱟᱨᱠᱷᱚᱱᱰ ᱯᱚᱱᱚᱛ ᱨᱟᱡᱽᱯᱟᱲ ᱫᱨᱚᱯᱚᱫᱤ ᱢᱩᱨᱢᱩ ᱥᱟᱸᱣ ᱟᱭᱢᱟ ᱢᱟᱱᱚᱛᱟᱱ ᱟᱹᱫᱤᱵᱟᱹᱥᱤ ᱱᱮᱛᱟ ᱥᱟᱸᱣ ᱥᱟᱱᱟᱢ ᱫᱤᱥᱚᱢ ᱦᱚᱲ ᱟᱹᱰᱤ ᱜᱟᱹᱦᱤᱨ ᱛᱮ ᱫᱩᱠ ᱠᱚ ᱥᱚᱫᱚᱨ ᱟᱠᱟᱫ ᱟ ᱾
ᱵᱤᱨ ᱥᱚᱦᱤᱫ ᱵᱤᱡᱚᱭ ᱥᱚᱨᱮᱱ ᱛᱤᱠᱤᱱᱤᱡ ᱟᱭᱚ ᱥᱟᱨᱱᱟ ᱢᱮᱰᱤᱭᱟ ᱨᱮᱠᱤᱱ ᱞᱟᱹᱭ ᱟᱠᱟᱫᱼᱟ ᱵᱟᱝ ᱢᱟ, "ᱤᱧᱤᱡ ᱦᱚᱯᱚᱱᱟᱜ ᱡᱤᱣᱤ ᱫᱟᱱ ᱵᱮᱠᱟᱨ ᱛᱮ ᱟᱞᱚ ᱪᱟᱞᱟᱜ ᱢᱟ, ᱱᱚᱣᱟ ᱨᱮᱭᱟᱜ ᱩᱪᱤᱛ ᱡᱚᱵᱟᱵ ᱵᱟᱹᱭᱨᱤ ᱠᱚ ᱮᱢᱟ ᱠᱚ ᱩᱥᱟᱹᱨᱟ ᱮᱢᱟ ᱠᱚᱯᱮ ᱥᱚᱨᱠᱟᱨ" ᱾
ᱵᱤᱨ ᱥᱚᱦᱤᱫ ᱵᱤᱡᱚᱭ ᱥᱚᱨᱮᱱ ᱛᱤᱠᱤᱱᱟᱜ ᱡᱤᱣᱤ ᱥᱚᱨᱚᱜ ᱯᱩᱨᱤ ᱨᱮ ᱥᱩᱞᱩᱠ ᱱᱤᱨᱟᱹᱭ ᱥᱟᱸᱣ ᱥᱮᱨᱢᱟ ᱵᱚᱝᱜᱟ ᱥᱟᱸᱣ ᱱᱟᱯᱟᱭ ᱨᱮ ᱛᱟᱸᱦᱮᱸ ᱠᱚᱜ ᱢᱟᱭ ᱢᱮᱱᱛᱮ, ᱥᱟᱨᱱᱟ ᱢᱮᱰᱤᱭᱟ ᱜᱷᱟᱸᱨᱚᱡᱽ ᱛᱮᱦᱮᱧ ᱥᱮᱨᱢᱟ ᱥᱤᱧ ᱪᱟᱸᱫᱚ ᱴᱷᱮᱱ ᱮ ᱱᱮᱦᱚᱨᱚᱜ ᱠᱟᱱᱟ ᱾
ᱥᱚᱦᱤᱫ ᱵᱤᱡᱚᱭ ᱥᱚᱨᱮᱱ ᱛᱤᱠᱤᱱᱟᱜ ᱵᱚᱝᱜᱟ ᱦᱚᱲᱢᱚ ᱨᱮ ᱡᱷᱟᱨᱠᱷᱚᱱᱰ ᱯᱚᱱᱚᱛ ᱥᱤᱨᱟᱹ ᱢᱚᱱᱛᱨᱤ ᱢᱟᱱᱚᱛᱟᱱ ᱨᱚᱜᱷᱩᱵᱚᱨ ᱫᱟᱥ ᱵᱟᱦᱟ ᱢᱟᱞᱟ ᱟᱨᱟᱣ ᱥᱟᱸᱣ ᱮ ᱡᱚᱦᱟᱨᱟᱭ ᱠᱟᱱᱟ ᱾
ᱥᱟᱨᱱᱟ ᱢᱮᱰᱤᱭᱟ
No comments:
Post a Comment