ᱦᱟᱴᱚᱰᱤ, ᱠᱮᱸᱣᱡᱷᱚᱨ ᱩᱲᱤᱥᱟ
ᱵᱮᱣᱨᱟ ᱠᱷᱚᱱ ᱵᱟᱰᱟᱭ ᱟᱠᱟᱱᱟ ᱵᱟᱝ ᱢᱟ, ᱦᱚ ᱯᱟᱹᱨᱥᱤ ᱥᱟᱢᱵᱤᱫᱷᱟᱱ ᱨᱮᱭᱟᱜ ᱤᱨᱟᱹᱞ ᱫᱷᱟᱯ ᱨᱮ ᱟᱝᱜᱚᱪ ᱥᱟᱸᱣ ᱥᱟᱱᱛᱟᱲᱤ ᱯᱟᱹᱨᱥᱤ ᱩᱲᱤᱥᱟ ᱯᱚᱱᱚᱛ ᱨᱮ ᱨᱟᱡᱽᱯᱟᱹᱨᱥᱤ ᱥᱟᱸᱣ ᱥᱟᱨᱱᱟ ᱫᱷᱚᱨᱚᱢ ᱩᱥᱟᱨᱟ ᱥᱚᱨᱚᱠᱟᱨᱤ ᱢᱟᱱᱚᱛ, ᱯᱮᱼᱫᱚᱯᱷᱟ ᱫᱟᱹᱵᱤ ᱤᱫᱤ ᱠᱟᱛᱮ ᱠᱮᱸᱣᱡᱷᱚᱨ ᱡᱤᱞᱞᱟ ᱟᱹᱫᱤᱵᱟᱹᱥᱤ ᱥᱮᱝᱜᱮᱞ ᱚᱵᱷᱤᱭᱟᱱ ᱫᱚ ᱦᱟᱴᱚᱰᱤ ᱵᱞᱚᱠ ᱜᱷᱮᱨᱟᱣ ᱥᱟᱸᱣ ᱵᱤ.ᱰᱤ.ᱭᱚ ᱠᱮ ᱩᱲᱤᱥᱟ ᱥᱤᱨᱟᱹ ᱢᱚᱱᱛᱨᱤ ᱢᱟᱱᱚᱛᱟᱱ ᱱᱚᱵᱤᱱ ᱯᱚᱴᱱᱟᱭᱚᱠ ᱧᱩᱛᱩᱢ ᱢᱤᱫ ᱫᱟᱹᱵᱤ ᱥᱟᱠᱟᱢ ᱦᱚᱸ ᱦᱟᱴᱚᱰᱤ ᱵᱞᱚᱠ ᱵᱤ.ᱰᱤ.ᱭᱚ. ᱣᱟᱜ ᱛᱤᱛᱮ ᱠᱚ ᱪᱟᱞ ᱟᱠᱟᱫ ᱟ ᱾ ᱱᱚᱣᱟ ᱢᱤᱪᱷᱤᱞ ᱨᱮ ᱟᱭᱢᱟ ᱦᱟᱥᱟᱼᱵᱷᱟᱥᱟ, ᱡᱟᱹᱛᱤᱼᱫᱷᱚᱨᱚᱢ ᱫᱩᱞᱟᱹᱲᱤᱭᱟᱹ ᱟᱹᱫᱤᱵᱟᱹᱥᱤ ᱥᱮᱝᱜᱮᱞ ᱠᱟᱹᱢᱤᱭᱟᱹ ᱥᱮᱞᱮᱫ ᱠᱚ ᱛᱟᱸᱦᱮᱸ ᱞᱮᱱᱟ ᱾
ᱠᱮᱸᱣᱡᱷᱚᱨ ᱡᱤᱞᱞᱟ ᱟᱹᱫᱤᱵᱟᱹᱥᱤ ᱥᱮᱝᱜᱮᱞ ᱚᱵᱷᱤᱭᱟᱱ ᱥᱩᱛᱨᱮᱛ ᱜᱚᱢᱠᱮ ᱢᱟᱹᱱ ᱠᱟᱞᱮᱭᱟᱱ ᱵᱟᱥᱠᱮ ᱛᱤᱠᱤᱱ ᱥᱟᱨᱱᱟ ᱢᱮᱰᱤᱭᱟ ᱨᱮᱠᱤᱱ ᱞᱟᱹᱭ ᱟᱠᱟᱫ ᱟ ᱵᱟᱝ ᱢᱟ, ᱫᱟᱨᱟᱭ ᱠᱟᱱ MP/MLA ᱵᱟᱪᱷᱱᱟᱣ ᱞᱟᱦᱟᱛᱮ ᱦᱚ ᱯᱟᱹᱨᱥᱤ ᱥᱟᱢᱵᱤᱫᱷᱟᱱᱤᱠ ᱢᱟᱱᱚᱛ ᱥᱚᱨᱠᱟᱨ ᱵᱟᱝ ᱮ ᱪᱟᱞ ᱟ, ᱛᱚᱵᱮ ᱟᱹᱵᱤᱵᱟᱹᱫᱤ ᱥᱚᱢᱟᱡ ᱫᱟᱨᱟᱭ ᱠᱟᱱ ᱵᱷᱟᱴ ᱪᱟᱯᱟᱫ ᱜᱤᱰᱤ ᱞᱟᱹᱜᱤᱱᱛᱮᱭ ᱵᱚᱲᱦᱮᱜ ᱥᱟᱸᱣ ᱟᱝᱫᱚᱲᱚᱱ ᱫᱤᱱᱟᱹᱢ ᱜᱮ ᱥᱚᱨᱠᱟᱨ ᱵᱤᱨᱚᱫᱷ ᱨᱮ ᱟᱹᱫᱤᱵᱟᱹᱥᱤ ᱥᱮᱝᱜᱮᱞ ᱚᱵᱷᱤᱭᱟᱱ ᱮ ᱛᱚᱸᱜᱮ ᱫᱚᱦᱚᱭᱟ ᱢᱮᱱᱛᱮ ᱠᱤᱱ ᱞᱟᱹᱭ ᱵᱩᱴᱟᱹ ᱦᱟᱠᱟᱫ ᱟ ᱾ ᱱᱚᱣᱟ ᱢᱤᱪᱷᱤᱞ ᱫᱟᱹᱵᱤ ᱥᱟᱠᱟᱢ ᱪᱟᱞ ᱚᱠᱛᱚ ᱨᱮ ᱢᱟᱱᱚᱛᱟᱱ ᱠᱟᱞᱮᱭᱟᱱ ᱵᱟᱥᱠᱮ, ᱢᱟᱱᱚᱛᱟᱱ ᱡᱟᱜᱚᱱᱱᱟᱛ ᱦᱮᱢᱵᱨᱚᱢ, ᱢᱟᱱᱚᱛᱟᱱ ᱫᱚᱥᱨᱚᱛ ᱢᱩᱨᱢᱩ, ᱢᱟᱱᱚᱛᱟᱱ ᱚᱨᱡᱩᱱ ᱢᱩᱨᱢᱩ, ᱢᱟᱱᱚᱛᱟᱱ ᱫᱷᱚᱱᱮᱥᱭᱚᱨ ᱠᱤᱥᱠᱩ ᱥᱟᱸᱣ ᱟᱭᱢᱟ ᱟᱹᱫᱤᱵᱟᱹᱥᱤ ᱫᱚᱨᱚᱫᱤᱭᱟᱹ ᱥᱮᱝᱜᱮᱞ ᱠᱟᱹᱢᱤᱭᱟᱹ ᱥᱮᱞᱮᱫ ᱠᱚ ᱛᱟᱸᱦᱮᱸᱭᱟ ᱾
ᱠᱮᱸᱣᱡᱷᱚᱨ ᱰᱚᱜᱚᱨᱤᱭᱟᱹ
ᱢᱟᱹᱱ ᱫᱷᱚᱱᱮᱥᱭᱚᱨ ᱠᱤᱥᱠᱩ
ᱥᱟᱨᱱᱟ ᱢᱮᱰᱤᱭᱟ
No comments:
Post a Comment