ᱯᱩᱨᱩᱞᱤᱭᱟᱹ ᱯᱩᱪᱷᱤᱢ ᱵᱟᱝᱜᱟᱞ
ᱵᱮᱣᱨᱟ ᱠᱷᱚᱱ ᱵᱟᱰᱟᱭ ᱟᱠᱟᱱᱟ ᱵᱟᱝ ᱢᱟ, ᱯᱩᱪᱷᱤᱢ ᱵᱟᱝᱜᱟᱞ ᱯᱚᱱᱚᱛ ᱨᱮᱭᱟᱜ ᱰᱟᱨᱰᱟ ᱠᱷᱮᱞᱩ ᱦᱮᱢᱵᱨᱚᱢ ᱛᱟᱱᱟᱞᱟ ᱟᱥᱲᱟ ᱨᱮ ᱜᱟᱱᱛᱟᱰᱤ ᱤᱛᱩᱱ ᱟᱥᱲᱟ ᱥᱟᱹᱦᱤᱡᱩᱦᱤ ᱨᱮ ᱥᱮᱨᱢᱟ ᱠᱤᱭᱟᱹ ᱥᱟᱱᱛᱟᱲᱤ ᱵᱤᱱᱤᱰ ᱦᱩᱤ ᱥᱟᱹᱛ ᱟᱠᱟᱱᱟ ᱾ ᱱᱚᱣᱟ ᱵᱤᱱᱤᱰ ᱫᱚ ᱡᱩᱱ ᱐᱖ ᱠᱷᱚᱱ ᱡᱩᱱ ᱐᱙ ᱦᱟᱹᱵᱤᱡ ᱛᱚᱝᱜᱮ ᱛᱟᱦᱮᱸ ᱠᱟᱱᱟ ᱾ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱥᱮᱪᱮᱫ ᱢᱟᱰᱣᱟ [ᱟᱤᱥᱮᱠ] ᱡᱷᱟᱨᱠᱷᱚᱱᱰ ᱥᱟᱱᱛᱟᱲᱤ ᱵᱚᱨᱰ ᱛᱟᱹᱨᱤ ᱨᱮ ᱱᱚᱣᱟ ᱵᱤᱱᱤᱰ ᱫᱚ ᱰᱟᱨᱰᱟ ᱠᱷᱮᱞᱩ ᱦᱮᱢᱵᱨᱚᱢ ᱛᱟᱱᱟᱞᱟ ᱟᱥᱲᱟ ᱛᱟᱞᱢᱟ ᱨᱮ ᱱᱟᱭ ᱱᱟᱯᱟᱭ ᱟᱹᱰᱤ ᱡᱟᱠ ᱡᱚᱢᱚᱠ ᱛᱮ ᱱᱚᱣᱟ ᱥᱮᱨᱢᱟ ᱠᱤᱭᱟᱹ ᱵᱤᱱᱤᱰ ᱫᱚ ᱦᱩᱭ ᱥᱟᱹᱜᱩᱱ ᱥᱟᱹᱛ ᱠᱮᱜ ᱟᱠᱚ ᱾ ᱱᱚᱣᱟ ᱥᱮᱨᱢᱟ ᱠᱤᱭᱟᱹ ᱥᱟᱱᱛᱟᱲᱤ ᱵᱤᱱᱤᱰ ᱨᱮᱫᱚ, ᱯᱨᱟᱭᱢᱮᱨᱭ, ᱢᱤᱰᱤᱞ, ᱢᱮᱴᱨᱤᱠ ᱟᱨ ᱟᱤᱮ ᱢᱟᱲᱟᱝ ᱥᱮᱨᱢᱟ ᱟᱨ ᱟᱤᱭᱮ ᱫᱚᱥᱟᱨ ᱥᱮᱨᱢᱟ ᱵᱤᱱᱤᱰᱤᱭᱟᱹ ᱠᱚ ᱫᱤ ᱛᱮ ᱵᱤᱱᱤᱰ ᱥᱟᱯᱲᱟᱣ ᱥᱟᱹᱜᱩᱱ ᱞᱮᱱᱟ ᱾ ᱱᱚᱣᱟ ᱥᱮᱨᱢᱟ ᱠᱤᱭᱟᱹ ᱥᱟᱱᱛᱟᱲᱤ ᱵᱤᱱᱤᱰ ᱥᱟᱡᱟᱣ ᱥᱟᱯᱲᱟᱣ ᱫᱚ ᱢᱟᱱᱚᱛᱟᱱ ᱨᱚᱱᱡᱤᱛ ᱥᱚᱨᱮᱱ ᱟᱤᱥᱮᱠ ᱠᱚᱼᱚᱨᱰᱤᱱᱮᱴᱟᱨ ᱯᱩᱨᱴᱩᱞᱤᱭᱟᱹ ᱡᱤᱞᱞᱟ ᱛᱮᱠᱤᱱᱟᱜ ᱛᱟᱨᱤᱨᱮ ᱥᱮᱨᱢᱟ ᱠᱤᱭᱟᱹ ᱵᱤᱱᱤᱰ ᱟᱹᱟᱰᱤ ᱱᱟᱭ ᱱᱟᱯᱟᱭ ᱨᱟᱹᱥᱠᱟᱹ ᱥᱟᱛᱞᱟᱜ ᱡᱟᱠ ᱡᱚᱢᱚᱠ ᱛᱮ ᱦᱩᱭ ᱥᱟᱹᱜᱩᱱ ᱥᱟᱹᱛ ᱟᱠᱟᱱᱟ ᱾ ᱱᱚᱣᱟ ᱥᱮᱨᱢᱟ ᱠᱤᱭᱟᱹ ᱥᱟᱱᱛᱟᱲᱤ ᱵᱤᱱᱤᱰ ᱨᱮ ᱟᱭᱢᱟ ᱥᱟᱝᱜᱮ ᱵᱤᱱᱤᱰᱤᱭᱟᱹ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱥᱟᱱᱛᱟᱲᱤ ᱯᱟᱹᱨᱥᱤ ᱚᱞᱪᱤᱠᱤ ᱛᱮ ᱵᱤᱱᱤᱰ ᱮᱢ ᱫᱟᱣ ᱞᱮ ᱧᱟᱢ ᱟᱠᱟᱫ ᱛᱮ ᱟᱹᱰᱤ ᱨᱟᱹᱥᱠᱟᱹ ᱞᱮ ᱟᱴᱠᱟᱨᱮᱫ ᱟ ᱢᱮᱱᱛᱮ ᱥᱟᱱᱟᱢ ᱵᱤᱱᱤᱰᱤᱭᱟᱹ ᱠᱚᱣᱟᱜ ᱢᱚᱪᱟ ᱠᱷᱚᱱ ᱟᱝᱡᱚᱢ ᱚᱰᱚᱠᱚᱜ ᱠᱟᱱᱟ ᱾ ᱵᱤᱱᱤᱰᱤᱭᱟᱹ ᱠᱚᱣᱟᱜ ᱢᱚᱪᱟ ᱠᱷᱚᱱ, ᱫᱟᱨᱟᱭ ᱥᱮᱨᱢᱟ ᱦᱚᱸ ᱡᱮᱢᱚᱱ ᱱᱚᱝᱠᱟ ᱜᱮ ᱟᱨᱦᱚᱸ ᱱᱟᱯᱟᱭ ᱛᱮᱵᱚᱱ ᱥᱟᱯᱲᱟᱣ ᱟ, ᱟᱵᱚᱣᱟᱜ ᱥᱟᱱᱛᱟᱲᱤ ᱯᱟᱹᱨᱥᱤ ᱚᱞᱪᱤᱠᱤ ᱛᱮ ᱥᱮᱨᱢᱟ ᱠᱤᱭᱟᱹ ᱵᱤᱱᱤᱰ ᱡᱮᱢᱚᱱ ᱟᱵᱚᱣᱟᱜ ᱯᱟᱹᱨᱥᱤ ᱥᱟᱸᱣᱦᱮᱫ ᱡᱟᱣᱜᱮ ᱡᱤᱭᱟᱹᱲ ᱵᱚᱱ ᱫᱚᱦᱚ ᱠᱟᱜ ᱟ ᱾ ᱵᱟᱰᱟᱭ ᱠᱟᱜ, ᱟᱤᱥᱮᱠ ᱦᱚᱛᱮᱛᱮ ᱢᱚᱬᱮ ᱟᱹᱫᱤᱵᱟᱹᱥᱤ ᱯᱚᱱᱚᱛ ᱨᱮ ᱥᱮᱨᱢᱟ ᱠᱤᱭᱟᱹ ᱥᱟᱱᱛᱟᱹᱲᱤ ᱯᱟᱹᱨᱥᱤ ᱚᱞᱪᱤᱠᱤ ᱛᱮ ᱥᱮᱨᱢᱟ ᱠᱤᱭᱟᱹ ᱵᱤᱱᱤᱰ ᱡᱟᱣᱜᱮ ᱥᱟᱯᱲᱟᱣᱚᱵ ᱠᱟᱱᱟ ᱾
(ᱵᱤᱤᱱᱤᱰ ᱠᱚ ᱮᱢᱮᱫ ᱵᱤᱱᱤᱰᱤᱭᱟᱹ ᱠᱚ)
ᱵᱤᱱᱤᱰ ᱪᱟᱪᱟᱞᱟᱣᱤᱭᱟᱹ ᱢᱟᱪᱮᱛ ᱠᱤᱱ
ᱛᱩᱢᱟᱹᱞ ᱨᱮ;ᱼ ᱯᱩᱪᱷᱤᱢ ᱵᱟᱝᱜᱟᱞ ᱯᱩᱨᱩᱞᱤᱭᱟᱹ ᱠᱷᱚᱱ ᱨᱟᱱᱡᱤᱛ ᱥᱚᱨᱮᱱ ᱛᱤᱠᱤᱱᱟᱹᱜ ᱨᱤᱯᱚᱨᱴ
ᱥᱟᱱᱛᱟᱹᱲᱤ ᱯᱟᱹᱨᱥᱤ ᱚᱞᱪᱤᱠᱤ ᱛᱮ ᱟᱭᱢᱟ ᱵᱮᱣᱨᱟ ᱯᱟᱲᱦᱟᱣ ᱞᱟᱹᱜᱤᱱᱛᱮ ᱯᱟᱧᱡᱟᱭ ᱢᱟᱵᱚᱱ www.sarnamedianews.blogspot.com
No comments:
Post a Comment