᱑᱕ ᱡᱩᱱ ᱜᱟᱯᱟ ᱡᱷᱟᱨᱠᱷᱚᱱᱰ ᱵᱚᱸᱫᱷ ᱞᱟᱹᱜᱤᱱᱛᱮ ᱰᱟᱠᱨᱟ ᱠᱮᱜ ᱟᱭ ᱟᱹᱫᱤᱵᱟᱹᱥᱤ ᱜᱟᱸᱣᱛᱟ

ᱨᱟᱧᱪᱤ, ᱡᱷᱟᱨᱠᱷᱚᱱᱰ

       ᱵᱟᱰᱟᱭ ᱟᱠᱟᱱᱟ ᱵᱟᱝ ᱢᱟ, ᱜᱟᱯᱟ ᱑᱕ ᱡᱩᱱ ᱒᱐᱑᱙ ᱥᱤᱝᱜᱮ ᱢᱟᱦᱟ ᱦᱤᱞᱚᱜ ᱑᱒ ᱴᱟᱲᱟᱝ ᱡᱷᱟᱨᱠᱷᱚᱱᱰ ᱦᱟᱹᱯᱤᱫ ᱛᱟᱦᱮᱸᱱᱟ ᱢᱮᱱᱛᱮ ᱥᱟᱱᱟᱢ ᱯᱷᱮᱥᱵᱩᱠ, ᱦᱚᱣᱟᱴᱥᱟᱯ ᱟᱨ ᱟᱭᱢᱟ ᱥᱚᱥᱤᱭᱟᱞ ᱥᱟᱭᱤᱴ ᱠᱚᱨᱮ ᱦᱟᱨᱞᱟ ᱜᱩᱨᱞᱟᱹᱜ ᱠᱟᱱᱟ ᱟᱨ ᱚᱱᱟ ᱥᱟᱸᱣᱛᱮ ᱢᱤᱫ ᱪᱤᱛᱟᱹᱨ ᱦᱚᱸ ᱥᱚᱥᱟᱭᱤᱞ ᱥᱟᱭᱤᱴ ᱠᱚᱨᱮ ᱜᱩᱨᱞᱟᱹᱣ ᱛᱟᱨᱟᱜ ᱠᱟᱱᱟ ᱾ ᱟᱫᱚ ᱫᱮᱞᱟᱵᱚᱱ ᱵᱟᱰᱟᱭᱟ, ᱚᱱᱠᱟᱱ ᱪᱮᱫ ᱵᱮᱣᱨᱟ, ᱜᱩᱨᱞᱟᱹᱣᱚᱵ ᱠᱟᱱ ᱛᱮ ᱜᱟᱯᱟ ᱡᱷᱟᱨᱠᱷᱚᱱᱰ ᱦᱚᱸ ᱦᱟᱹᱯᱤᱫᱚᱜ ᱠᱟᱱᱟ ᱾ ᱱᱚᱜ ᱚᱭ ᱵᱟᱹᱲᱛᱤ ᱰᱮᱦᱮᱨ ᱫᱤᱱ ᱫᱚ ᱵᱟᱝ ᱟ, ᱥᱩᱨ ᱫᱤᱱ ᱨᱮᱜᱮ ᱟᱵᱚᱠᱚᱨᱤᱱ ᱵᱤᱨ ᱵᱟᱱᱴᱷᱟ ᱡᱚ ᱪᱮᱛᱟᱱ ᱨᱮ ᱟᱹᱰᱤ ᱟᱭᱢᱟ ᱱᱟᱦᱟᱪᱟᱨ ᱦᱩᱭᱩᱜ ᱠᱟᱱᱟ ᱾ ᱚᱠᱟᱨᱮ ᱫᱚ ᱟᱹᱫᱤᱵᱟᱹᱥᱤ ᱵᱤᱨ ᱟᱜ ᱢᱩᱴᱷᱟᱹᱱ ᱵᱚᱦᱚᱜ ᱠᱚ ᱜᱷᱟᱹᱱᱰᱤᱡ ᱠᱮᱜ ᱟ ᱟᱨ ᱚᱠᱟᱨᱮᱫᱚ ᱟᱹᱰᱤᱵᱟᱹᱥᱤ ᱵᱤᱨ ᱟᱜ ᱢᱩᱴᱷᱟᱹᱱ ᱛᱤ ᱠᱚ ᱜᱷᱟᱹᱱᱰᱤᱡ ᱮᱫ ᱟ ᱾ ᱱᱚᱝᱠᱟ ᱜᱮ ᱥᱟᱱᱟᱢ ᱯᱟᱲᱟ ᱜᱮ ᱟᱵᱚᱨᱤᱱ ᱟᱹᱫᱤᱵᱟᱹᱥᱤ ᱵᱤᱨ ᱠᱚ ᱪᱮᱛᱟᱱ ᱨᱮ ᱱᱚᱝᱠᱟ ᱥᱟᱱᱟᱢ ᱯᱟᱲᱟ ᱜᱮ ᱱᱟᱦᱟᱪᱟᱨ ᱫᱚ ᱫᱤᱱᱜᱮ ᱛᱚᱝᱜᱮ ᱠᱚᱜ ᱠᱟᱱᱟ ᱾ ᱱᱚᱜ ᱚᱭ ᱵᱟᱹᱨᱥᱤᱧ ᱫᱤᱱ ᱞᱟᱦᱟ ᱨᱮᱜᱮ ᱟᱵᱚᱭᱤᱡ ᱟᱹᱫᱤᱢ ᱵᱤᱨ ᱵᱷᱚᱜᱣᱟᱱ ᱵᱤᱨᱥᱟᱹ ᱢᱩᱱᱰᱟ ᱛᱮᱠᱤᱱᱟᱜ ᱵᱮᱱᱟᱣ ᱢᱩᱴᱷᱟᱹᱱ ᱠᱷᱚᱱ ᱛᱤ ᱠᱚ ᱨᱟᱹᱯᱩᱫ ᱠᱮᱫ ᱛᱟᱹᱠᱤᱱᱟ ᱟᱨᱦᱚᱸ ᱱᱚᱜ ᱚᱭ ᱥᱩᱨ ᱫᱤᱱ ᱨᱮᱜᱮ ᱵᱤᱨ ᱛᱮᱞᱮᱝᱜᱟ ᱠᱷᱟᱰᱤᱭᱟ ᱛᱮᱠᱤᱱᱟᱜ ᱢᱩᱴᱷᱟᱹᱱ ᱠᱚ ᱨᱟᱹᱯᱩᱫ ᱠᱮᱫ ᱟ ᱾ ᱱᱚᱝᱠᱟ ᱜᱮ ᱟᱨᱦᱚᱸ ᱧᱮᱞ ᱞᱮᱠᱷᱟᱱ ᱫᱚᱢ ᱟᱹᱫᱤᱵᱟᱹᱥᱤ ᱵᱤᱨ ᱠᱚᱫᱚ ᱥᱟᱱᱟᱢ ᱯᱟᱲᱟ ᱜᱮ ᱦᱟᱨᱠᱮᱛ ᱚᱯᱚᱢᱟᱱ ᱨᱮᱜᱮ ᱢᱮᱱᱟᱜ ᱠᱚ ᱛᱟᱵᱚᱱᱟ ᱾ ᱚᱱᱟᱛᱮ ᱱᱚᱣᱟ ᱟᱹᱫᱤᱵᱟᱹᱥᱤ ᱵᱤᱨ ᱪᱮᱛᱟᱱ ᱨᱮ ᱱᱟᱦᱟᱪᱟᱨ ᱠᱚ ᱠᱟᱹᱢᱤ ᱠᱟᱱ ᱠᱟᱹᱭᱫᱷᱤ ᱠᱚ ᱩᱥᱟᱹᱟᱨᱟ ᱦᱟᱹᱲᱤ ᱠᱟᱛᱮ ᱯᱟᱹᱥᱤ ᱠᱷᱩᱸᱴᱤ ᱨᱮ ᱟᱠᱟ ᱥᱟᱸᱣ ᱟᱹᱫᱤᱵᱟᱹᱥᱤ ᱵᱤᱨ ᱪᱮᱛᱟᱱ ᱨᱮ ᱱᱟᱦᱟᱪᱟᱨ ᱦᱟᱹᱯᱤᱫᱚᱜ ᱢᱟ ᱫᱟᱹᱵᱤ ᱤᱫᱤ ᱠᱟᱛᱮ ᱜᱟᱯᱟ ᱑᱕ ᱡᱩᱱ ᱦᱤᱞᱚᱜ ᱫᱚ ᱡᱷᱟᱨᱠᱷᱚᱱᱰ ᱑᱒ ᱴᱟᱲᱟᱝ ᱦᱟᱹᱯᱤᱫ ᱛᱟᱸᱦᱮᱱᱟ ᱢᱮᱱᱛᱮ ᱥᱟᱱᱟᱢ ᱥᱚᱥᱟᱭᱤᱞ ᱥᱟᱭᱤᱴ ᱨᱮ ᱦᱟᱨᱞᱟ ᱜᱩᱨᱞᱟᱹᱜ ᱠᱟᱱᱟ ᱾ 

       ᱟᱵᱚᱣᱟᱜ ᱫᱤᱥᱚᱢ ᱡᱷᱟᱨᱠᱷᱚᱱᱰ ᱯᱚᱱᱚᱛ ᱨᱮ ᱟᱵᱚᱨᱤᱱ ᱵᱤᱨ ᱠᱚᱣᱟᱜ ᱢᱩᱴᱷᱟᱹᱱ ᱨᱟᱹᱯᱩᱫ ᱫᱚ ᱟᱹᱫᱤᱵᱟᱹᱥᱤ ᱠᱚ ᱞᱟᱹᱜᱤᱱᱛᱮ ᱫᱚ ᱪᱩᱲᱤ ᱦᱚᱨᱚᱜ ᱥᱟᱞᱟᱜ ᱥᱚᱢᱟᱱ ᱟᱱᱟᱜ ᱠᱟᱛᱷᱟ ᱠᱟᱱᱟ ᱾ ᱚᱱᱟᱛᱮ ᱟᱹᱫᱤᱵᱟᱹᱥᱤ ᱥᱚᱢᱟᱡ ᱱᱤᱛᱚᱜ ᱥᱟᱱᱟᱢ ᱥᱚᱥᱟᱤᱞ ᱢᱮᱰᱤᱭᱟ ᱨᱮ ᱜᱟᱯᱟ ᱡᱷᱟᱨᱠᱷᱚᱱᱰ ᱦᱟᱹᱯᱤᱫ ᱞᱟᱹᱜᱤᱱᱛᱮ ᱨᱟᱡᱼᱥᱚᱲᱚᱠ ᱛᱮ ᱟᱬᱜᱚ ᱦᱤᱡᱩᱜ ᱞᱟᱹᱜᱤᱱᱛᱮ ᱥᱟᱱᱟᱢ ᱢᱚᱦᱚᱞ ᱨᱮ ᱪᱟᱨᱪᱟ ᱨᱮᱱᱟᱝ ᱥᱟᱛᱟᱢ ᱵᱮᱱᱟᱣ ᱟᱠᱟᱱᱟ ᱾ 

(Whatsapp, Fcebook, Twitter ᱮᱢᱟᱱ Social Media Site ᱠᱚᱨᱮ ᱜᱟᱯᱟ ᱑᱒ ᱴᱟᱲᱟᱝ ᱡᱷᱟᱨᱠᱷᱚᱱᱰ ᱦᱟᱹᱯᱤᱫ ᱛᱟᱦᱮᱸᱱᱟ ᱢᱮᱱᱛᱮ, ᱱᱚᱣᱟ ᱪᱤᱛᱟᱹᱨ ᱥᱟᱱᱟᱢ ᱢᱚᱦᱚᱞ ᱨᱮ ᱜᱩᱨᱞᱟᱹᱣᱚᱵ ᱠᱟᱱᱟ)

 ᱱᱚᱣᱟ ᱪᱤᱛᱟᱹᱨ ᱥᱟᱸᱣ ᱥᱚᱥᱤᱟᱞ ᱢᱮᱰᱤᱭᱟ ᱨᱮ ᱱᱚᱣᱟ ᱢᱤᱫ ᱥᱟᱝᱫᱮᱥ ᱦᱚᱸ ᱜᱩᱨᱞᱟᱹᱣ ᱛᱟᱨᱟᱜ ᱠᱟᱱᱟ, ᱚᱱᱟ ᱥᱟᱝᱫᱮᱥ ᱞᱟᱛᱟᱨ ᱨᱮ ᱮᱢ ᱮᱱᱟᱹᱹᱹ

''Tomorrow (15.06.2019) Jharkhand BANDH

Appeal to all Adivasi

Telanga Khadia and Lord Birsa Munda's statue has been broke by some unknown people's. On June 15, 2019, Jharkhand will be closed in protest of these. It's is appealing to all tribal organizations is going to make this band a success.''

Bureo Reoprt- Sarna Media, Ranchi